قال الفنان صلاح عبد الله، تعليقا على هجومه على النجم محمد صلاح بعد هزيمة منتخب مصر فى الصعود لكأس العالم الماضى: "هو أنا اتفهم إني هاجمته، أنا كنت واخد على خاطري منه، أصل محمد صلاح كنت بتباهى إني صلاح وصلاح".
وأضاف خلال لقائه ببرنامج "أنا والقناع"، مع الإعلامية منى عبد الوهاب، عبر قناة الحياة: "لما محمد صلاح وعبد الله السعيد كانوا جبارين وكسبونا ماتشات كتير، وكنت أنا أكتب محمد صلاح عبد الله السعيد، وكان الناس حبينها أوي، أنا مهاجمتهوش بس كنت زعلان منه في حاجة".
وتابع: "أنا قلت مش هشجع ليفربول تاني، ودي اللي قلبت الناس عليا، والحمد لله بأدب واحترام، أنا كنت زعلان أوي، وكلناحسينا، لا مبتلعبش في ليفربول كده، كنا حاطين أمل، بس هيعمل ايه لوحده صحيح".
واستطرد: "أنا أول واحد قال إن محمد صلاح المفروض يدرس في المناهج، كرحلة كفاح وإصرار، اتاخدت مني وأنا موافق، مرة كتبت حاجة على تويتر وصلاح رد عليا".
ووجه حديثه رسالة لمحمد صلاح قال فيها: "إلهي يحفظك من العين وتلعب حلو يا محمد، وتجيب النهاردة جونين وتفرح قلبي يا محمد، عمك صلاح يا صلاح، بقاله يومين في أحزان وشبكة الأفراح انت فارسها يا مان".