قدمت الإعلامية رشا الجمال، فقرة خاصة ببرنامج "حكاوى القهاوى"، المذاع على قناة الحياة، من داخل ورشة الحاجة فتحية فتحى أشهر أسطى سروجي للعربيات، وقالت الأسطى فتحية: "اللى حبب فينا الناس سيرتنا الطيبة، ومحدش بيكرهنا عشان بنتعامل مع الناس بضمير".
وأضافت الحجة فتحية فتحى: "اللى خلانى أحب صنعة السروجى والدى، وهو كان سروجى وأبنائى الولاد شغالين سروجية، وجوزى سروجى، وكنت شغالة فى القطاع العام، وبعدين عملت ورشة بعد الجواز"، مؤكدة أنها لم تجبر ابناءها على حب المهنة ولكنهم يريدون ترك علامة خاصة بعائلتهم في مهنة السروجية.
وتابعت: "دلوقتي بشتغل حاجات بسيطة وبحب العربيات كأنها عيل من عيالي، وشغلي الحالي الاستشارة، لكن لازم أبص على العربية قبل ما الزبون يخدها، وأشوف الملاحظات ولو في حاجة فيها مشكلة الزبون هيحاسبني أنا، لذلك لازم العربية تطلع بإتقان".