قالت الفنانة عارفة عبد الرسول انها كانت سعيدة بعملها منذ الصغر بمحل والدها وثقته فيها خاصة أنها كانت كبيرة أخواتها.
وأضافت خلال لقائها مع الإعلامى دكتور عمرو الليثى ببرنامجه واحد من الناس على شاشة الحياة، أنها خريجة فنون جميلة بالصدفة، بسبب زميلة لها كانت بتعمل كل وسائل الإيضاح الخاصة بالمدرسة، متابعة "قالت لى تعالى معايا فروحت معاه ونجحت وهى سقطت فى اختبار القدرات، ولم روحنا سألنا قالوا لى انتى عملت حياة للوحة اللى رسمتيها، والعيلة كلها أطباء وأوئل الثانوية العامة.
وتابعت عارفة أنها متخصصة فى مجال الحكى على المسرح وهو نوع من أنواع الفنون، وبدايتي فى حفل فى مكتبة الإسكندرية، وزوجى مخرج وفنان وكان زميلى فى الكلية، و هو من اقترح عليا انى أسميها حكايات بنت البقال وقدمتها فى ألمانيا وفرنسا و وأوروبا، و إحنا كمصريين عندنا حكايات كتير نقولها من واقعنا وتفاصيل مجتمعنا .
وأشارت إلى أنها موظفة هى وزوجها فى وزارة الثقافة على قد حالنا، وفرقة الورشة عرضت علينا آجى القاهرة هنا واشتغل معاهم فى الحكى والغناء، لأن العيشة فى القاهرة هنا محتاجة مصاريف وأنا نزلت القاهرة فى سن ٥٢ سنة وأنا الآن ٦٩ سنة، وعندى حسن وحبيبة أولادى وعندى ٥ أحفاد.