قال الفنان تامر هجرس عن خلافه مع الفنان محمد رمضان بفيلم الديزل، أن لم أكن مقتنعا بالفيلم ودوري فيه ولكني وافقت على المشاركة وأنا عملته علشان محمد رمضان وكريم السبكى والحاج أحمد.
وأضاف هجرس خلال لقائه مع الإعلامى دكتور عمرو الليثى بيرنامجه واحد من الناس على شاشة الحياة، ومشهد انزل على ركبك ياله بقى تريند مع الناس، وأنا لم أتقاض أجرا عن المشاركة في الفيلم، ووجه الخلاف اني كنت شايف إن كان ممكن يستخدمنى أحسن من كده، وأن يكون الدور أفضل من ذلك ولكن إذا كانت تلك رؤية المخرج ما فيش مشكلة.
وتابع هجرس أنا ورمضان أصحاب وبنتقابل و نخرج ونتصور مع بعض ومفيش أى خلاف بيننا.
وعن الفنانة يسرا أجاب هجرس، من أعز أصدقائي و انا بينى و بينها كيميا خاصة جدا و بالأخص ظهر فى مسلسل لقاء خاص.
وأضاف هجرس أتمنى عمل دور عمر الشريف، فبعض الناس تري أن صوتي قريب منه وانا أعشقه وعندما نزل فيلم بركان الغضب شبهتنى الناس به، واتعرفت عليه بعد كده و بقينا أصحاب أوى و كنا نسهر مع بعض و كان معنا يسرا و ميرال، ويحكى لى قصص خاصة جدا، وانا مش مصدق نفسي أن عمر الشريف يحكى لى انا الكلام ده .