قال الحاج عبد المنعم شبيه الشيخ الشعراوى انه من محافظة المنوفية مركز تلا وعند ٧٢ سنة على المعاش حاليا، وكان يعمل بإدارة تنفيذ الأحكام بالنيابة العامة بطنطا.
وأضاف شبيه الشعراوى خلال لقائه مع الإعلامى دكتور عمرو الليثى ببرنامجه واحد من الناس على شاشة الحياة، أنه منذ ٢٠ عاما تقريبا أدى فريضة الحج وعند عودته حاجة كده بداخلى قالت لى إنى ألبس طاقية الشيخ الشعراوى وجلبابه، وكنت فى طنطا فى مسجد السيد البدوى ولاقيت امام المسجد لابس طاقيه وجلباب زى بتاعة الشيخ الشعراوى وسالته فصلهم فين وقال لى على المكان وروحت فصلتها.
و تابع لو الشيخ الشعراوى الله يرحمه كان عايش الناس كانت هيتلغبط فينا وانا اقرب فى الشبه من ابنه الشيخ سعيد، والناس فى الشارع وفى الموصلات بتشوفنى بتقولى انت مين ده لو الشيخ الشعراوى لم يمت كنا قولنا انه انت، وعلاقتى جيدة بابناء الشيخ الشعراوى وخاصة الشيخ عبد الرحيم رحمه الله عليه، وانا بزور قبر الشيخ الشعراوى ٤ مرات فى السنة، وانا حافظ جميع الأقوال المأثورة وأدعية الشيخ الشعرواى كلها.