قالت الفنانة ميمى جمال انه عندما التحقت بفرقة التليفزيون المسرحية الاستاذ سيد بدير بعتلى وقال لى انت لسه مش نجمة، الافضل ليكى انك تتوظفى وبعد كده تثبتى نفسك وفعلا اتوظفت، وان الفنان الكبير الاستاذ عبد المنعم مدبولى هو صاحب الفضل فى اكتشافى.
و اضافت ميمى خلال الجزء الثانى من لقائها مع الإعلامى دكتور عمرو الليثى بيرنامجه واحد من الناس على شاشة الحياة، واشتغلت مع الاستاذ محمد عوض كتير فى السينما والمسرح، ومن المسرحيات اللى كسرت الدنيا عش المجانين واشتغلت ٤ سنوات وكان فيها نجوم حسن عابدين وليلى علوى والفنان الكبير محمد نجم.
و تابعت انا راضية عن المكانة اللى وصلت ليها فى الفن وخاصة المسرح، ومارى منيب اول ما شافتنى فى بروفة مسرحية فى القطاع الخاص، وعملت بروفة مع الملقن وقالت لمدير المسرح هات لى البنت اللى اسمها ميمى جمال وكنت فكراها هتشكر فيها، وقالت لى انا اتحولت منك على المسرح ايه رايحه جايه رايحه جايه، انا احب البنت اللى تشتغل معايا تقعد جمبى وانا اقول الجمل بتاعتى، وقولت ليها شوفى انتى عاوزه ايه وانا انفذه، وبعد كده بقيت اعمل زى ما هى عاوزه.
و اضافت ميمى لم اقم باى عمليات تجميل، وانا معزومه الشهر القادم فى حفلة ودكتور طلب منى يعمل لى عملية تجميل فى رقبتى ورفضت.
ووجهة رسالة مؤثرة إلى النجوم الراحلين سمير غانم ودلال عبد العزيز انها تفتقدهم وانهما احب واجمل شخصيات فى الوسط الفنى.