تحدث الفنان الشاب أحمد عزيز عن بدايته في التمثيل قائلاً: "التمثيل مشوار صعب جدا لأى حد، وفى مواهب كتير في مصر واحجنا عاملين زى البرازيل في الكورة فاحنا عندنا في مصر مواهب كتيرة".
وتابع أحمد عزيز في تصريحات تليفزيونية: "أنا بحب التمثيل من صغرى جدا، وبدأت اخد ورش تمثيل واذاكر وعملت اختبار كاميرا وأوديشن وربنا كرمنى بدور بسيط في البداية، ولما خلصت الورش حد رشحنى في مسلسل قمر آخر الدنيا للمخرج تامر حمزة وعملت حلقتين وكان رد فعل الناس كويس طبعا المقربين منى وقالولى إنى محتاج اشتغل أكتر، والوقوف أمام الكاميرا صعب جدا خاصة بالبداية ومع الوقت حصل تطور".
وعن مشاركته في فيلم تاج قال أحمد عزيز: "ترشيحى في فيلم تاج كان عن طريق سارة وفيق مخرجة العمل، ورشحتنى للنجم تامر حسني، واشتغلت على الدور وهو بصراحة ساعدنى كتير، وهو جوا اللوكيشن إنسان جميل وبيكسر حاجز اى خوف بينه وبين الممثلين وإنسان بيحب يظهر كل اللى حواليه مش نفسه بس ووجهنى كتير واكتسبت منه خبرات.
وعن مشاركته في مسلسل سوق الكانتو في شهر رمضان الماضى قال أحمد عزيز: "أنا بحب النوستالجى جدا والحاجات القديمة في فترة المثانينات والتسعينات، ولما اتعرض عليا قالولى هما مشهدين فلقيتها فرصة كويسة انه مع أمير كرارة وحسين المنباوى فبصراحة محدش يرفض".
وعن امنياته في التمثيل مع النجوم قال أحمد عزيز: "نفسى اشتغل مع عادل امام أو اسلم عليه بس، وده حلم من أحلامى، ونفسى اشتغل مع أحمد عز وكريم عبد العزيز، ومخرجين كتير زى مروان حامد وشريف عرفة، لان هاستفيد كتير من خبرتهم".
وشارك الفنان أحمد عزيز مؤخراً في فيلم "رهبة" مع الفنان أحمد الفيشاوى، نسرين أمين، ثراء جبيل، بيومى فؤاد، سما إبراهيم، محمود البزاوى، مصطفى غريب، بسمة بغدادى، والعمل وسيناريو وحوار محمد علام وإخراج رضا عبد الخالق.
وشارك ايضاً في فيلم "مغامرات كوكو" بطولة بيومى فؤاد وخالد الصاوى وشيرين رضا، ومحمد أسامة "أوس أوس"، وإيهاب فهمى، ويعرض الفيلم خلال موسم عيد الفطر المقبل، وهو من إخراج إسماعيل فاروق
وينتظر أحمد عزيز عرض فيلمه مع الفنان العالمى مينا مسعود من خلال فيلم "في عز الضهر" وكل من، إيمان العاصي وشيرين رضا ومحمد علي رزق وجميلة عوض ومحمود حجازي وإيهاب فهمي ومحمد عز ومن تأليف كريم سرور وإخراج مرقص عادل.