قالت الفنانة برنسة عبد الغنى إنها أصلا كانت شيف مطبخ شرقى وغربى وسافرت جميع بلدان العالم.
وأضافت خلال لقائها مع الإعلامى دكتور عمرو الليثى بيرنامجه واحد من الناس على شاشة الحياة، أنها باعت كليتها لكى تقوم بعمل عملية قلب مفتوح لأمها ، بعتها بـ١٠ آلاف جنيه لشخص، و لو أمى كانت طلبت عينيا كنت أعطيتها ليها لأنى والدى توفى وأنا عندى سنتين وهى اللى شقيت عليا.
وتابعت برنسة أنه أحيانا لما بيكون مفيش أدوار ثانوية تعملها بتشتغل مساعدة ملابس مع الفنانين، ومنهم ٦ سنوات مع أحلام الجرتلى، وميمى جمال ٦ شهور ، وعبير الدميرى.
وأضافت: أنا حزينة لأن أولاد أخي اللى أنا كنت بتصرف عليهم و بعدوا لما قعدت من الشغل والسفر ولم أشتغل سينما وتليفزيون والفلوس بقت قليلة معايا بعدوا عنى ومحدش بيسأل عليا .