أكد الطفل عبد الرحمن "الراقص مع الكلاب"، أن الكلاب تحبه للغاية وأنها بالنسبة له أحسن من أى إنسان، قائلاً: "الكلاب علمتنى مخفش من حد وفى بنى آدمين بتاعت مصلحتهم ولكن الكلاب أحسن من البنى آدمين".
وأضاف "عبد الرحمن" فى لقاء ببرنامج "ست الحسن" مع الإعلامية شريهان أبو الحسن، على قناة on E، أن البنى آدم ممكن يبيع صحبه بالفلوس أو أى شيء فى مصلحته، أما الكلاب أحسن من البشر لأنها تحبه وتلعب معه.
وأبدى "الراقص مع الكلاب"، عدم رغبته فى العودة إلى المدرسة مرة أخرى، قائلا: "كان نفسى الأول اطلع مهندس بس دلوقتى لا، لأن أبويا هو اللى خلانى كده ومن ساعة ما بقيت فى الشارع بقيت وحش والسبب مرات أبويا هى اللى خلتنى سيبت بيتنا.. وهو مش بيتها".
وأشار الطفل عبد الرحمن "الراقص مع الكلاب"، إلى أن زوجة أبيه تسببت فى حدوث الكثير من المشاكل والخلافات الأسرية منذ دخولها بيتهم، مضيفًا: "مرات أبويا ولعت الدنيا بين أبويا وأقاربى.. وأبويا بيسمع كلامها فى كل حاجة وكان عايز يودينى الإصلاحية وهربت منه"، مؤكدًا أنه مقيم فى الشارع منذ 4 سنوات فى الشارع.