أصدرت الصفحة الرسمية لإذاعة نجوم إف إم على صفحتها على موقع التواصل الاجتماعى فيس بوك بيانا للنجمة شيرين عبد الوهاب جاء فيه:"أحيانا بنتعرض لضغوط أكبر من طاقتنا، الفترة اللى فاتت كانت صعبة عليا جداً لظروف شخصية وضغط شغل لفترة طويلة وهجوم إعلامى غير مبرر وإحساسى بانشغالى فى العمل وتأثيره على بناتى وأسرتى.. عارفة أن الخبر كان صادم للكاره والمحب ليا، بس أنا كنت حاسة أنه الابتعاد هو الحل فى اللحظة دى، لحظة حسيت فيها بتعب حد من عيلتى، وحسيت أن الدنيا مش مستاهلة وإن كل لحظة بعيدة عن اللى بحبهم هى لحظة ضايعة من عمرى".
وأضافت فى البيان:"آسفة على القلق اللى سببتهولكم، بس صدقونى، مشاعركم هى اللى خلتنى أراجع نفسى وحبكم هو إللى حسسنى أن صوتى مش ملكى وإن الفن مالوش علاقة بضغوطات عليا، أما عن رجوعى، فأنا برتب بس بعض الحاجات وبعمل ترتيبات".
واختتمت بيانها قائلة: "أحب أشكر كل من ساعدنى إنى أتخطى محنتى من جمهورى وفنانين وإعلام مصرى وعربى نزيه، لا يفبرك ولا يشمت ولا يشخصن الأمور أو يستنتج سيناريوهات، هابعد لفترة إجازة مع عيلتى وبعدها أن شاء لله أعود تانى للعمل مرة أخرى، شكرا لمن ساندنى، وسامحت من ضايقنى".
يذكر أن نجوم إف إم هى الشركة المنتجة لألبومات شيرين عبد الوهاب عن طريق "نجوم ريكوردز" ومن المقرر أن تطرح ألبومها الجديد خلال الفترة المقبلة.
