وجه الفنان تامر عاشور رسالة لتامر حسنى "نجم الجيل" يحذره ممن وصفهم بـ"أعداء النجاح" الذين يعملون معه، مؤكداً أن ألبوم تامر الجديد "عمرى ابتدا" سينجح كالعادة قائلاً "افرح بألبومك أنت عامل أحلى شغل مع كل الناس".
وقال عاشور فى منشور عبر حسابه الرسمى بموقع التواصل الاجتماعى فيس بوك "فى فرحة كبيرة قوى بيستناها الفنان كل سنتين مرة وهى فرحة"إصدار البومه" عارفين يعنى أيه إصدار البوم بالنسبة لفنان ؟ يعنى بينام ويصحى يحلم بيه مبهزرش والله العظيم، التعب اللى قبل الألبوم بيروح لما يتم إصداره بتاريخ ووقت وشكل دعاية معينين وانتظار أراء الناس اللى بتحبه وتباركله وتهنيه كل ده لما مبيحصلش بيفضل الفنان تعبان لحد الألبوم اللى بعده بجد من جواه".
وأضاف "ده مالوش أى علاقة بنجاح الألبوم تامر حسنى البومه هينجح كالعادة إن شاء الله بس كلمة من أخ ليك أعداء النجاح اللى مالهمش علاقة بيك متشغلش بالك بيهم، لكن أعداء النجاح اللى بتشتغل معاهم " خطر" بيمثلوا 24 ساعة فى اليوم أو بيتاجروا فى المضروب بنسبة كبيرة وكبيرة جداً اوعى تصدق اللى انا سمعته قبل كده ونجاحك هيقتلهم وهيمحيهم اكتر ما هم اتمحوا وبرضو متركزش معاهم، افرح بالبومك انت عامل أحلى شغل مع كل الناس".
