وجه الفنان محمد إمام عن حبه وتقديره الكبير للممثل أحمد السقا، كما هنأه على نجاح فيمله رغم تنافسهما على إحتلال قمة شباك تذاكر دور العرض في موسم عيد الفطر.
وكتب إمام عبر صفحته الرسمية "فيس بوك"، صورة تعود إلى كواليس مسلسل "خطوط حمراء" والذي شارك في بطولته إلى جانب السقا وعرض في رمضان 2012.
وكتب "لما ابتديت أمثل كان من أمنيات حياتي إني اشتغل معاه... ومن أكتر المرات اللي فرحت فيها لما هو اللي اخترني بنفسه علشان أعمل دور أخوه الصغير في مسلسل خطوط حمرا اللي مازال من أكتر الأدوار اللي بحبها وفرقت معايا في شغلي علشان خاطر وقفت قدام أحمد السقا".
وتعليقا على الصورة وجه إمام رسالة إلى السقا قال فيها: "أنا هقول حاجة لوجه الله وربنا شاهد علي كلامي... أنا طول عمري بحب أحمد السقا جداً و بعتبره بجد زي أخويا الكبير... هو الممثل الوحيد في جيله اللي حضرت له تقريباً كل أفلامه في السينما من كتر حبي فيه".
وأختتم رسالته قائلا: "أنا بحبك قوي يا سقا ومبروك النجاح العظيم لفيلمك الجديد ومن نجاح لنجاح دايماً يا حبيبي".
وعلق على الرساله النجم الكبير أحمد السقا، "قائلا ألف مبروك يامحمد عالنجاح الكبير وربنا يديم المحبة ما بينا وربنا يوفقك كمان وكمان".
يذكر أن فيلم محمد إمام حقق أعلى إيرادات فى السينما المصرية ويقترب من الـ9 مليون فى أيام العيد منذ عرضه فى جميع دور العرض، ويليه فى المركز الثانى فيلم النجم أحمد السقا "من 30 سنة" لمنى زكى وشريف منير وميرفت أمين ونور اللبنانية، وبطل العمل أحمد السقا.