أكد الفنان عمرو سعد، أن التغيير يأتى بالإصرار والإرادة، مشيراً إلى إمكانية تغيير الواقع ببساطة، لأن الإنسان هو الذى يصنع هذا الواقع.
ونشر عمرو سعد، عبر صفحته على "فيس بوك"، مجموعة من الصور المجمعة، والتى علق عليها قائلاً : " صباح الحب والإرادة انا اخترت لكم الصور دي علشان تعرفوا إن في ناس تقدر تحول حاجات في واقعها مهمله وملهاش لازمه وقبيحة لحاجات مفيدة وجميلة، وانك ببساطه تقدر تغير الواقع مهما كان صعب لأن البني آدم هو اللي بيصنعه أصلا".
وأضاف قائلاً: " عاوز أقولكم إن التغيير بيسكن في الإصرار والإرادة والحب، وإن إحنا لو بنحب شارعنا ومنطقتنا وبلدنا بجد هانتمني نشوفهم أحلى وأجمل، الحب مش كلمة سهله تتقال علي القهاوى أو نسمعها في الأغاني، الحب إيمان وفعل، حتي طموحاتنا وأحلامنا وأهدافنا لازم نحبهم".
واختتم قائلاُ : " في يوم من الأيام أنا نفسى كان قدامي صعوبات لن يتخيلها أحد والظروف كانت صعبه وفي نظر ناس كتير مستحيله... بس استحملت وأصريت وتعبت وعمري ما فقدت إيماني حتي وانا ماشي في شوارع مصر بالليل ومفيش في جيبي غير تمن تذكرة المترو .... صدقوني نقدر بعون الله نخلق واقع جديد .... واستنوني".
