داعب الفنان راغب علامة الإعلامية لميس الحديدى تعليقا على إعجابها بأغنيته الجديدة "شوفتك اتلخبطت"، قائلا: "ما أنتى عارفة بشوفك بتلخبط، عشان كده عملت الأغنية دى، محتاجين اليومين دول نفرح واللحن والتوزيع والكلمات اتعملوا بفرح وأنا غنيتها وأنا سعيد".
وأضاف علامة خلال مداخلة هاتفية مع الإعلامية لميس الحديدى عبر برنامجها هنا العاصمة على قناة "سى بى سى"، أن الأغنية الجديدة مصرية، وأنه فى بيروت الآن لحضور مهرجان، وسيذهب إلى مدينة موناكو لحضور مهرجان وعمل العديد من الحفلات، وسيذهب مع العائلة إلى إيطاليا.
وتابع: "اللى بيسعدنى ضحكة الأطفال والناس، والوقت العصيب اللى بيمر به العالم العربى بيخلينا نعمل جهد عشان نفرح اللى حوالينا، ويسعدنى الناس تكون مرتاحة، ونقدر نعدى اللى الوطن العربى فيه، ومصر أكبر دليل عدت كل المخاطر، والأمل بالشعب اللبنانى والسورى والعراقى، ولازم نفرح بالأغانى".