ودعت الفنانة ماجدة الرومى، الموسيقار اللبنانى الراحل ملحم بركات، فى رسالة رقيقة عبر حسابها على موقع تبادل الصور إنستجرام.
وقالت ماجدة الرومى فى رسالتها: "من ماجدة الرومى إلى ملحم بركات مبارح، من عَزا امى للعَزا فيك ومن الدير فى كفرشيما لكنيسة مارى بطرس وبولس كفرشيما قطعت المسافة بضيعتنا الصغيرة وأنا قلبى عم يعصرو الاسى وأنا عم بسمع صوتك طالع من كل شارع وحى.. وصوتك نفسو نفسو يا ملحم يلى فرّحنى العمر كلّو مبارح نفسو نفسو ما ترك بعينيى دمعة وحدة إبْكِيها".
وأضافت قائلة: وهيى نفسها نفسها شوارع كفرشيما يا ملحم يلى تمشّينا عليها بضيعتنا صغار وزهّرتها صغاروضحكتلنا صغار وهديتنا كل ربيع وكل أمل هيى نفسها نفسها مبارح شفتها خريف حزين مستعد يرمى كل وراقو ويبكى معنا".
وتابعت قائلة: "إنك من أعظم الاصوات يلى مرقت على هالشرق إنك صوت اذا رَق بيبكّى الحجر وإذا جن بتنحِنيلو العاصفة وإذا تجلّى بتِخْضَر فينا جَنّات وانك جملة لحنية متفوّقة عريقة رح تبقى درس بالأصالة لكل عاشق موسيقى اليوم وكل يوم ولتنتهى الايام.. ابو مجد يا حبيب اللبنانيى وكل العرب يا ابن كفرشيما البار مهما بعّدتنا الأيام رح نرجع نلتقى هيدا إيماننا بالله".
