أثارت مذيعة التليفزيون المصري عزة الحناوي، الجدل حولها بعد انتقاداها الرئيس عبد الفتاح السيسي خلال برنامجها "أخبار مصربقولها " انت ما بتشتغلش، ولا يوجد ملف واحد وضعت له حلا، وفات على وعدك بتحقيق طفرة في مصر سنة و8 شهور، وفاضل شهور قليلة على العامين وأنت شبه هتلر.
وخلال برنامج علي مسئوليتي الذي يقدمه الإعلامي أحمد موسي، وخلال مداخلة هاتفية من الفنان شريف منير معلقا علي ما قالته الإعلامية عزة الحناوي، " لما يكون في حاجة إيجابية وماتتكلمش عنها، يبقى تروح تتعالج، وفي إعلامين كتير بيشوهوا، لكن الطيارة طارت، واللي مالحقش مع السلامة، أمال قناة السويس والأراضي التي تستصلحها الدولة ومقاومة الفساد، وكل دا يقول أن مصر ماشية، لكن رأيك خليه لنفسك، الكلام اللي قولتيه يعتبر تهم جنائية، لأنك بتغلطي في الرياسة وكذا مرة تتكلمي وبتقولي علي الريس مابيشتغلش".
وأضاف منير خلال مداخلته الهاتفية " تطلع مذيعة في التليفزيون المصري طريقتها في الكلام مع الضيف مكنش فيها نوع من تقبل الأخر، وبتشاور له وتقوله أسكت بس بس انا ممكن أنهي الحوار، ولما الدولة قالت أن في ملفات كتير مفتوحة، وباقيلك كام شهر ورئاستك تخلص، الحل تشوفي حد يعالجك".