بين أزرار الكيبورد و متابعة الجديد فى الإيموشن و اللايكات، والتعرف على كل ما يخص السوشيال ميديا وجمهورها، الذى أصبح قوة لا يستهان بها، يقضى علاء الشيمى وقته وسط الشير والرد على التعليقات و البحث عن الجديد الذى يخاطب به جمهوره كأدمن لعدد من الصفحات على فيس بوك.
الكثيرون لا يعتقدون أن كلمة "أدمن" أصبحت مهنة كما أصبحت السوشيال ميديا أحد اعلوم التى تدرس ويتقاضى ممتهنيها أجوراً كبيراً، لأنها تعتبر واحدة من محركات مجريات الأمور فى العالم كله، فهى على عكس ما يعتقد البعض مهنة تحتاج إلى شخص قادر على إنتاج الأفكار بشكل مستمر وتوظيفها على جميع الأحداث.
يتحدث علاء الشيمى طالب كلية تجارة إنجليزى جامعة حلوان وصاحب العشرين سنة، ويحكى تجربته مع مهنة "أدمن" التى بدأت فى الثانوية العامة وقال "بدأت أشتغل أدمن من وأنا فى 3 ثانوى، وكنت حابب الموضوع جداً إنى أكتب حاجة او انزل حاجة والناس كلها تشوفها و تعجب بيها، وبعد كدة عرفت إن ده علم وكارير كبير جداً، و أخذت كورسات وفضلت أطور نفسى لحد ما بقيت أدمن لصفحة Icareer التى تعتبر واحدة من اكبر صفحات التوظيف "
"الأدمن مش بيحس بإنجاز لما يمسك صفحة هى أصلاً كبيرة لكن لما يمسك صفحة صغيرة ويكبرها يبقى هو ده الإنجاز الحقيقي" بهذه الكلمات تحدث محمد عن الأشياء التى تهم الأدمن الذى يعشق مهنته ويرى لها أهمية كبيرة، و أضاف " الموضوع مش بسيط زى ما أى حد متخيل لأن الأدمن مش مجرد واحد بينزل بوستات الفكره كلها ازاي الواحد يكون فى social media marketer شاطر وفاهم و في الاساس فاهم التسويق و السوق بتاعه، ويقدر يعرف إنه بيتعامل مع سوق أكبر و أوسع و أكتر مرونه في التغيير".
ووفقاً لمقولة "كل شيخ وله طريقة " يؤكد محمد الشيمى أن كل أدمن له أسلوب فى إدارة الصفحة لأن الأشخاص مختلفين و أضاف "الناس عموما بمختلف أفكارهم و توجهاتهم الطبيعي بتاعهم بيدوروا علي المصدقيه و اللي وصل لمرحله بيسموها في التسويق satisfaction اشباع داخلي في معلومة معينه أو مقال عايزه صوره توصف اللي جواه، لكن عشان تجيب لايكات كتير وشير للأسف هى إشاعه فيها تجريح في حد أو خبر كارثي مثلا، وانا شايف إن أصلاً الأدمن اللى بيعمل دا يفتقد لكل الأخلاق المهنيه سواء التسويقيه أو الصحفية".
"عشان تكون أدمن لازم تعرف تتعامل مع الجمهور مين عاوز ايه، ومين بيحب ايه" بهذه الكلمات أكد محمد أن هناك عدة أشياء لابد أن يهتم بها الشخص حتى يصبح أدمن ناجح لصفحة كبيرة من أهمها معرفة الجمهور عاوز ايه و أضاف " مش كفايه معاك كام كورس social media و marketing الاهم تكون مستعد انك تكون بنفس سرعة تغير و ليونه السوق اللي أنت شغال فيه و عندك إدراك كامل لهدفك في الصفحه ايه و جمهورك مين و ازاي تتعامل معاه غير كده انت هتواجه فشل سريع جدا وفقدان للمصداقية، والاهم انك تتعامل مع جمهورك دا كأنه صاحبك مثلا"، و أشار إلى هناك ثلاث أنواع من البوستات يساعدوا أى أدمن مبتدئ على إدارة صفحة وهى "فيديوهات كوميدية، كوميكسات، صور أطفال" وطبعاً تبقى عارف الناس بتقعد على الفيس فى أى توقيت بالظبط.