"تويتر بقى تافه ليه" مغردون يدونون حول سطحية الموقع: بقى فيسبوك فى نفسه

دشن رواد موقع التواصل الاجتماعى "تويتر" هاشتاج "تويتر بقى تافه ليه"، لاستطلاع آراء المغردين حول المستوى الذى وصل له الموقع من تفاهات وتدوينات سطحية، واحتل الهاشتاج المرتبة السابعة على قائمة الترند بأكثر من 6 آلاف تغريده خلال 3 ساعات.

وتنوعت آراء المغردين من خلال الهاشتاج، حيث قالت إسراء عادل: "من ساعة ما التويتات بقت تنزل على فيس بوك وكل من هب ودب جه عملنا أكونت وعمل فيها فيمص"، بينما قال هشام السيد: "بصراحة حياتنا هى اللى بقت تافهة، بقت محصورة فى دايرة صغيرة من برامج بقى صعب نعيش من غيرها، إحنا مسجونين حرفياً".

وقال تونى سمير: "عشان أكتر من 90% من اللى داخلين مش بيقولوا غير كلمتين فولو وباك، محدش بيتبادل الخبرات أو المعلومات أو حتى بيتواصل"، وقال بدر: "لأن متوسط الأعمار هنا صغير جدا"، بينما قالت أخرى: "مش تافه ولا حاجة انت بس اختار بتابع مين وأنت هتلاقى كتير ناس محترمة وكلامها وان اختلفت معاه لكن بيحمل وجهة نظر محترمة".

بينما قالت آلاء مسعود: "عشان الناس بقت داخله تدور على عدد الفلورز والشهرة مش أكتر.. بقى فيس فى نفسه جداً"، وقال ثروت: "تويتر بقى تافه بسبب جو الجروبات واشتغل لليمت وياما تخرج وشغل عبودية، مبقاش تعارف ولا اجتماعى".
















الاكثر مشاهده

الرئيس السيسى يهنئ نادى الزمالك على كأس الكونفدرالية.. ويؤكد: أداء مميز وجهود رائعة

رئيس وزراء اليونان يستقبل الأمين العام لرابطة العالم الإسلامي محمد العيسى

جامعة "مالايا" تمنح د.العيسى درجة الدكتوراه الفخرية في العلوم السياسية

الأمين العام لرابطة العالم الإسلامي يدشّن "مجلس علماء آسْيان"

رئاسة وزراء ماليزيا ورابطة العالم الإسلامي تنظِّمان مؤتمرًا دوليًّا للقادة الدينيين.. الثلاثاء

كبار فقهاء الأمة الإسلامية يجتمعون تحت مظلة المجمع الفقهي الإسلامي

;