خليك حلو من برا وجوه

‎فى الفترة الأخيرة الناس بقيت بتهتم جداً بمظهرها الخارجى، كله بيحاول يجمل نفسه، كل حاجة بقيت بتتغير علشان نبقى أحلى، اللى عايز يغير شكله مبقاش فيه حاجة صعبة، كل حاجة متاحة دكاترة التجميل ماخلوش حاجة فى نفسنا. كل حاجة بتتظبط. وده مش عيب ولا غلط. بالعكس أنا بحيى كل واحد يغير حاجة فيه مش عجباه. ‎الغلط إن إحنا بنشتغل بس على الوجه الخارجى والمظاهر، بقى فيه منافسة على طول مين أحلى وأرفع وأصغر، نسينا أنه لازم كمان نحلى ونحسن الجوهر لأنه ده الأهم، لازم نهتم بسلامنا الداخلى. ‎اتعلم تحب حياتك وتحب نفسك، أحلى حاجات هى اللى مش ملموسة بنحسها ونشوفها بقلبنا، نبتديها خطوة خطوة، المهم تبقى خطوة فى الاتجاه الصح، الحياة ماشية بسرعة وبتخلينا ننسى الحاجات الصغيرة المهمة اللى بتحسسنا بالسعادة. ‎الحياة عمرها ما كانت سهلة فيها صعاب لازم نتحداها والنجاح هو اللى بيدى لحياتنا طعم، ممكن نقع بس إحنا اللى بنختار نقوم تانى. ‎حاول كل يوم تعمل حاجة تسعد بيها شخص تانى، ‎إن شاء الله لو ابتسمت فى وش حد وقلتله صباح الخير. ماتستاهينش بجبر الخواطر دى الكلمة الطيبة صدقة. ‎محتاجين ننضف قلبنا أول حاجة، اللى قلبه حلو الحلاوة بتبان على وشه، طول ما قلبك أسود عمر ما شكلك حايبقى حلو، لو غلطت دى مش نهاية الحياة، المهم نتعلم من غلطنا علشان نبقى أحسن، نشوف عيوبنا ونحاول نصلحها. لازم نحلى اللى جوة قبل اللى بره علشان هو ده الأساس. ‎حاول تشوف الحلو اللى فى الناس ولو حد غلط فيك حاول تسامح، ماتشيلش من الناس لأن ده مش حيضر حد غيرك، مانقدرش نغير اللى فات بس ممكن نغير اللى النهاية.



الاكثر مشاهده

الرئيس السيسى يهنئ نادى الزمالك على كأس الكونفدرالية.. ويؤكد: أداء مميز وجهود رائعة

رئيس وزراء اليونان يستقبل الأمين العام لرابطة العالم الإسلامي محمد العيسى

جامعة "مالايا" تمنح د.العيسى درجة الدكتوراه الفخرية في العلوم السياسية

الأمين العام لرابطة العالم الإسلامي يدشّن "مجلس علماء آسْيان"

رئاسة وزراء ماليزيا ورابطة العالم الإسلامي تنظِّمان مؤتمرًا دوليًّا للقادة الدينيين.. الثلاثاء

كبار فقهاء الأمة الإسلامية يجتمعون تحت مظلة المجمع الفقهي الإسلامي

;