برنامج ولا لجان الكترونية ؟ الحرامى عامل مؤتمر صحفى !

والله العظيم لو جماعة الإخوان واللى وراهم جابوا خبراء متخصصين فى الفشل ، مش هيعملوا زى اللى بيعمله المقاول الحرامى فى مؤتمراته الصحفية الكوميدية اللى بينظمها كل يوم والتانى أو حواراته اللى بيندفع لها عشرات الآلاف من الدولارات فى الصحف الأوربية على أساس إنها إعلانات تحريرية! أحدث فصول المسرحية الكوميدية للمقاول الحرامى ، هو ما أسماه بالمؤتمر الصحفى ، وهو فى الحقيقة عبارة عن غرفة مغلقة مؤجرة فى أحد الفنادق لزوم صناعة حدث والسلام تشتغل عليه قنوات الجزيرة والعربى الجديد ومنصات الإخوان فى تركيا وصفحات السوشيال ميديا ، خصوصا إن الناس دى مش لاقية أى حاجة تقولها وملهاش أى مصداقية عن الشعب المصرى ، ولو فكرنا بهدوء فى طبيعة المؤتمر ومحتواه واللى جرى فيه من مفارقات تصل للمقالب الكوميدية ، كتاب الكوميديا فى السينما والتلفزيون هيبطلوا يكتبوا ويطلبوا من الناس يتفرجوا بس على مهزلة الإخوان وألاضيشهم أولا - بالصلاة على النبى ، مؤتمر المقاول الحرامى ده ، محضروش إلا مجموعة من المصورين التلفزيونيين والصحفيين المنتمين لقنوات الجزيرة والعربى وقنوات الإخوان والصحفيين اللى جايين عشان يسألوا المقاول الأسئلة المكتوبة والمعدة سلفا عشان يكملوا الشو الإعلامى اللى هيشتغلوا عليه الفترة الجاية ثانيا – واضح جدا إن جماعة الإخوان ومعاها الجزيرة ومنصاتها الإعلامية هما اللى ورا المقاول الهارب وبيرسموا له خطواته وبينظموا له المؤتمرات الفشنك اللى بيطلع يهرتل فيها ، والدليل إن المجموعة الحاضرة كلها منهم ثالثا – ده مش مؤتمر صحفى حقيقى ، ده شيء عشوائى غير منظم لزوم الاستهلاك من قبل قنوات الجزيرة والإخوان فى الأيام الجاية ، بعد أن فقدوا كل أوراقهم وتبريراتهم وأصبحت حتى الشائعات التى يصممونها ويطلقونها لإحباط المصريين لا تؤثر مطلقا فى المواطن المصرى لأنه أصبح واعيا ويعرف من الذى يتحدث وما هى أهدافه رابعا – الجماعة ومن ورائها الجزيرة وقطر وتركيا فى حالة جنون مطلق ، بعد النجاحات التى يحققها الاقتصاد المصرى ، وبعد الالتفاف الجماهيرى المذهل حول المنتخب الوطنى الذى استطاع التأهل لأوليمبياد طوكيو وإسعاد الملايين ، وإعادة حالة الانتماء للوطن ، وفضلا عن ذلك تسجيل المؤسسات المصرية نجاحا كبيرا فى تنظيم حدثين رياضيين كبيرين خلال 6 أشهر فقط مع عودة الجماهير للاستادات واستطاعة الشركات الوطنية تصميم برامج متطورة لحضور الجماهير الفعاليات الرياضية بكفاءة واحتراف الخلاصة ، إن المقاول الهارب الحرامى ومن ورائه جماعة الإخوان الإرهابية وداعميهم فى قطر وتركيا ، من فشل إلى فشل ، لكنهم لا يعرفون أنهم بفشلهم المتكرر هذا يزيدون مناعة الشعب المصرى ضد أمراض الفوضى ودعاة التخريب والإرهاب