ماذا سيحدث لو اخترعنا حكومة؟!

ماذا سيحدث لو اخترعنا حكومة؟! تاجر فاسد، وحكومة فاشلة، ومواطن بائس محشور بينهما، مفيش سكر فى الأسواق، هذه الأزمة هى ملخص ما نعيشه فى البلد حاليا، مفيش حكومة أصلا، وماشية ببركة دعا الوالدين، لماذا لا نفكر فى اختراع حكومة، مجموعة وزراء، يفهم كل منهم فى مجاله، ويطور فيه ويحل مشاكله، سهلة جدا، و«المتخصصين واللى بيفهموا كتير، ولكننا تعودنا أن نقول مفيش، وإحنا عندنا جوه». أنقذوا أطفال أبوالريش هذه الحالة رأيتها بأم عينى فى مستشفى أبو الريش للأطفال، أم مسكينة تقف بجوار طفل نائم على سلم المستشفى، خير يا حاجة؟ ماله؟ قالت: أصل هو عامل عملية جوه، وفى البنج ولسه مافاقش.. طب وخرج إزاى؟ ما هم بيخرجوهم بعد العملية على طول فى الشارع ومفيش اوض، وأنا من الصعيد وماليش حتة أبات فيها، ولازم آجى الصبح عشان يشوفوه. طب وهتعملى إيه؟ وربنا ما عارفة.