إهدار مال عام
ألف مبروك على المصريين إهدار فلوسهم المعدومة أصلا على الـ«ولا حاجة» يكفيك أن تسير فى الشوارع وترى الإعلانات الركيكة البائسة شكلا ومضمونا بتاعة «بالإصلاح الجرىء نقصر الطريق» والملايين المصروفة عليها من ضرائبك، وقوتك وقوت أولادك لتتأكد تماما أن اللى جاى أحلى.
شعب زياط بطبعه
يا أخى تشوف اهتمام المصريين بالانتخابات الأمريكية تفتكر أن مصر أم الدنيا فعلا، تقعد تحلل الموضوع تلاقيه سمك لبن تمر هندى، ناس قاعدين يشبهوا ترامب بحسن كامى ويضحكوا، وناس بيشيروا صورة بنت ترامب ويقولك هى دى القنبلة النووية، وقطاع عريض جدا مبسوط بصور مراته وهى من غير هدوم ويقولك للكبار فقط، يا ريت كل واحد يبص فى بلده.