الجدار تايه ورا خطوتك يا ارض عارفه اللى خان... هيه الآهات ضحكتك؟!
واللا الألم عنوان ليه تفرحى بدمعتك. ليه تحمى كل جبان ماتفوقى من غقلتك. هيّ الجراح إدمان؟!!
مش اللى راح إنسان؟!!
ذنبى إنى رحت ميدان ذنبُه إنه لبى أّذان يا أرض فين حكمتك.
يا أرض ليه قوتك ديماً فى إيد سجان يا أرض ليه ضربتك متصبش غير غلبان ياأرض ليه جنتك مسكونة بالغِربان
يا أرض يبقى عدوك! وتسلحيه بجدران يا أرض ليه عزتك بتقدميها قربان يا قبر لكل غازى.. يا قبر لكل غازى.. تشهدلك الأزمان ليه تدي عدو غازى.. وبأرخص الاثمان!
قومى هبى هدي السور.. قومى هبى هدي السور مبنى لسلام خَسران يا أرض شربت دم إبنى... يا أرض شربت دم.. إبنى
الشهيد عطشان لكل نقطة دم تجرى فى عروق غضبان يشرب يزيحلك همّ تطرحلك الأغصان يا أرض جدرى جدار يا أرض جدرى جدار خدى منى وابنى الدار
ده أنتى الحره الجريئة ليه صابك الغثيان وأنتى الصابره البريئة مين لبّسك أكفان يا أرض مسروقه منسيه ع الصلبان يا أرض فيكى النور مسكونة بالعِميان
جالك بحق الدور جالك بحق الدور قومى أقهرى الطغيان يا أرض مظلومة يا أطهر الاوطان شفتك سفينه وتايهة محتاجه للربان... يا أطهر الاوطان