علق الإعلامى محمود سعد، على عدم ظهوره على شاشات الفضائيات، بعد أن أنهى عقده مع قناة النهار، قائلا إنه غير راض عن الحالة التى يعيشها الآن، ولكنه ومع كل هذا يشعر بالراحة النفسية والسعادة، مضيفا أن جميع المشاهدين يعلمون تماما الأسباب الحقيقية وراء عدم ظهوره على شاشات الفضائيات.
وأضاف "سعد" خلال مقطع فيديو نشره على صفحته الخاصة بموقع التواصل الاجتماعى "فيس بوك "، أنه لن يعلق على الأحداث الجارية فى الساحة السياسية الآن، موضحا أنه لا يرغب فى الظهور مرة أخرى على شاشات الفضائيات، ولن يظهر فى أى برنامج من برامج التوك شو بالاضافة إلى عدم تعليقه على الأحداث التى تشهدها مصر الآن.
محمود سعد لجمهوره : أنا فى الوضع اللى أنا فيه ده مش مبسوط لكنى...محمود سعد لجمهوره و محبيه على الفيسبوك : أنا فى الوضع اللى أنا فيه ده مش مبسوط لكنى مستريح..أنتوا شايفين الشاشة عاملة إزاى و الدنيا عاملة إزاى..أنا مش هاعلق أنا قعدت ليه و رحت فين و جيت منين هذه أمور أنتوا تقدروا تستنتجوها زى ما أنتوا عايزين..إنما أنا بكلمكم أنتوا (بس) إنما أنا مش عايز أطلع فى التلفزيون و مش حابب أطلع فى أى حتة و يمكن بعضكم يفهم إيه المغزى من الكلام لكن أنا مش هتكلم خالص و اللى حصل حصل..أنا عملت تجربة عملت فيها كل المجهود اللى أقدر أعمله و بعدين أنتوا أديتونى حب كبير جدا جدا و أنا بشكركوا..نرجع ممكن..منرجعش إحتمال كبير..لكن الدنيا اتطورت و فيه وسيلة دايماً للتواصل حتى و لو بالقلوب حتى لو تفتكرونى و تقولوا الراجل ده يعنى..كان مش بطال.. يعنى كان (من ضمن) أحسن الوحشين..كويس ........
Posted by محمود سعد Mahmoud Saad on Friday, 25 March 2016
وأشار سعد، إلى أنه مر بتجربة اعلامية قام من خلالها بكافة الجهود الممكنة لتوضيح الرؤية للشعب المصرى وتوصيل صوت البسطاء من أبناء الوطن إلى المسئولين، لافتا إلى أنه راض تماما عما قام به خلال هذه المرحلة من أعمال لصالح مصر والشعب المصرى فقط .
وقال سعد: " أنا فى الوضع اللى أنا فيه دة مش مبسوط لكنى مستريح..أنتم شايفين الشاشة عاملة إزاى و الدنيا عاملة إزاى..أنا مش هعلق أنا قعدت ليه و رحت فين، و جيت منين، هذه أمور أنتوا تقدروا تستنتجوها زى ما أنتوا عايزين..إنما أنا بكلمكم أنتم (بس)، و أنا مش عايز أطلع فى التلفزيونن و مش حابب أطلع فى أى حتة، و يمكن بعضكم يفهم إيه المغزى من الكلام، لكن أنا مش هتكلم خالص و اللى حصل حصل..أنا عملت تجربة عملت فيها كل المجهود اللى أقدر أعمله، و بعدين أنتم منحتمونى حب كبير جدا جدا و أنا بشكركم..نرجع ممكن..منرجعش احتمال كبير..لكن الدنيا تطورت و فيه وسيلة دايماً للتواصل حتى و لو بالقلوب.. حتى لو تفتكرونى و تقولوا الراجل ده يعنى.. كان مش بطال.. يعنى كان من ضمن أحسن الوحشين..كويس".