تداول مستخدمو مواقع التواصل الاجتماعى، بشكل ساخر، قصة ارتفاع سعر شريط ريفو من ربع جنيه، إلى 2.75 قرش، ووصل سعر العلبة إلى 55 جنيه، أى بزيادة 400% عن سعره المعروف.
.PNG "القصة الكاملة لزيادة سعر شريط الريفو من ربع جنيه إلى 55 جنيهاً للعلبة (صورة)")
ونشر أحد مستخدمو مواقع التواصل الاجتماعى "فيس بوك" تدوينة له شرح فيها بشكل ساخر، قصة ارتفاع سعر شريط ريفو، قائلاً: قصه الكفاح دي أهداء لأي شخص حاسس انه مالوش لازمه في الحياه وفاقد للهويه، ده شريط ريفو، من فترة بسيطه كان سعره ربع جنيه ومكانش حد من الصيادلة حاسس بأهميته إطلاقا وكانوا بيطلعوه بواقي فلوس بدل الفكه القرصين بشلن، تخيل لما يكون شريك عمرك اللي انت عايش معاه في نفس الإجزخانة بيعاملك المعاملة القذرة دي، وكمان ياريت الزبون اللي بياخدك كباقي فلوس بيبقي سعيد بيك، اطلاقا ده تلاقيه أول ما شافك محطوط مكان الشلن أو البريزه كشر وزعل وقال للصيدلي ايه ده ريفو، طيب ما تجيب بداله بلاستر جروح ـو حتي لبان، والصيدلي يقوم ملزقك للزبون بالعافيه زي البت بتاعه طخه بس متموتوش يابوي".
أضاف،: "بس يا سيدي الريفو لم يستسلم أبدا وفضل يعافر ويعافر لغايه لما بقي بنص جنيه، تفتكر اكتفي أبدًا فضل يعافر ويعافر لغايه لما ربنا كرمه من 6 شهور وبقي بـ75 قرش، والصيدلي حس بأهميته، ده العلبه منه بقت بـ 15 جنيه يعني ثروة، وقرر انه ميطلعوش خالص كباقي فلوس وبقي يطلع بلاستر جروح مكانة"
أتم،: "ناس كتير هتفتكر القصه انتهت لحد هنا، دي ناس محدوده الطموح، الريفو عرف سكه النجاح خلاص، واللي يدوق سكه النجاح بيدمنها، الريفو خطط ونفذ ونجح، وفي ضربة مفاجأه الريفو سعره بقي 2.75 قرش، متخيل يعني سعره زاد 400%، ونظره الصيدلي للريفو اختلفت تمامًا، وفي صيادلة كتير أنا اعرفهم خدوا علبه الريفو في حضنهم وهما نايمين، طبعا ما هو ثروة دلوقتي العلبه بـ 55 جنيه، وفي صيادلة عملوا زي ما انا عملت كده وحطوا الريفو في دولاب المخدرات وقفلوا عليه أحسن حد يطمع فيه ويسرقة، بس يا سيدي والريفو بقالة 3 أيام حاسس بنشوه فظيعه، لا وتخيل كمان، بقي اللي بيشتري ريفو دلوقتي بيدفع فلوس وياخد بالباقي بلاستر، ودي كانت رحله كفاح شريط الريفو، من شريط مالوش قيمه بنلزقه للزباين بدل الشلن والبريزه، لشريط له قيمة ووضع واللي بيشتريه عليه القوم".