دخلت والدة أحد الشباب المحكوم عليهم فى جمعة الأرض وتُدعى "أم عمرو "، فى نوبه من البكاء على الهواء، خلال مداخلة هاتفية لبرنامج "كلام تانى"، مع الإعلامية رشا نبيل، على قناة "دريم"، على خلفية حبس نجلها "عمرو" فى مظاهرات الدقى والعجوزة والتى كانت تنادى بـ"تيران وصنافير مصرية".
وصرخت "أم عمرو"، على الهواء قائلة :"ابنى عمل اية عشان ينحبس، ده طيب وغلبان ومش شقى خالص، ده لسه عيل، رفعتوا ضغطى ليه، أنا مش قادرة امسك دموعى، حسبى الله ونعم الوكيل" .
وتابعت "أم عمرو": ابنى لم يشارك فى المظاهرات، ده كان رايح يتفرج على ماتش، والناس كلها كانت بتقول عليه أنه أخلاقه عالية جدا، ليه تضيعوا عليه السنة، أنا عاوزة ابنى يخرج من السجن" .
وكانت قوات الأمن قد قامت بالقبض على نجلها، واتهامه بالمشاركة فى مظاهرات 25 إبريل، والمعروفة اعلاميا بـ "جمعة الأرض".