روى أحد الشباب ويدعى "مينا فهمى" موقف كوميدى لأحد الضباط، مع سائق تاكسى قبل مدفع الإفطار، أمام قسم الساحل، وذلك بسبب عصير التمر.
وقال فى بوست له على الفيس بوك:" من كام يوم و تحديدا عند قسم الساحل شارع شبرا شوفت اكتر موقف معرفتش امسك نفسى فيه من الضحك قدام لجنه و ظباط راكب مع تاكسى شاب صغير فى اواخر العشرينات و داخلين عند قسم الساحل لقيت زحمه و الغريبه ان الكمين ف الحته دى بيبقى بالليل بس عمره ما وقف وقت الفطار يعنى".
وتابع :" المهم وقفنا و بنعدى لقيناهم بيوزوعوا تمر و فطار للناس اللى صايمه لانه وقت الفطار .. ف السواق و هو معدى من جنب الظابط .. الضابط : ( وشه ناشف جدا ) رمضان كريم .. خد و عدى و ادى الاستاذ اللى جمبك .. السواق : لا يا باشا شكرا .... مبحبش التمر هفطر ف بيتنا بقى ... تسلم ( و هو بيمشى مبتسم ) الظابط : استنى استنى .... يعنى ايه مبتحبش التمر ..بقولك خد (قلب وشه اكتر) السواق : مش عايز و الله يا باشا (حس بقلق) انا : معلش يا باشا رمضان كريم هاخد انا طيب (بحاول اهزر).
واستكمل القصة "فرد الضابط : بس يا استاذ .... خد كيس التمر من ايدى السواق : والله ما عايز يا باشا ايه المشكله الظابط : اااه ... طب اركن على جنب (طبعا الظباط اتلمت فى ايه ده احنا بنعمل خير يعنى ايه اللى حصل )( نزل السواق و بعلو حسه قبل ما يتلموا عليه ) السواق : مبحبش التمر .... والله العظيم ما بحب التمر .... مش علشان احب مصر و الجيش و الشرطه لازم اخد تمر .... و الرخص اهيه يا باشا".