موزع "بنت الجيران" لـ"انفراد": "أنا الأساس وروح الأغنية.. ولما اتكتبت فى بدايتها كانت عادية وأنا حطيت التاتش بتاعى.. إسلام ساسو: جملة خمور وحشيش مفيهاش إسفاف.. الموزع مظلوم.. والمطرب بيكسب من كل حاجة"

>> قرار هاني شاكر هيقطع عيش شاكوش وعمر كمال وأنا موزع مش خسران >> الأغنية من بدايتها سجلها حسن شاكوش وعمر كمال مكنش موجود >> أنا يدوب بأخد أجرى في الأغنية.. والمطرب بيكسب 500 ألف مرة >> "عود البطل" الأغنية الجديدة لشاكوش وعمر كمال هتكسر الدنيا >> هنكمل شغلنا رغم نقابة الموسيقيين واليوتيوب ملهوش علاقة بالمنع مؤيد ومعارض، وصدارة على منصات مواقع التواصل الإجتماعي بهذه العبارة يمكن إيجاز ما خلفته أغنية "بنت الجيران"، التى حققت ملايين المشاهدات، لتكون رقم 1 ضمن أغانى المهرجانات، وتزاحم الكبار، وبعدما نال حسن شاكوش وعمر كمال شهرة واسعة من وراء هذه الضجة، كان "انفراد" على موعد مع إسلام ساسو موزع الأغنية الأكثر إثارة للجدل. وقال إسلام ساسو، موزع أغنية " بنت الجيران"، إن قرار نقابة الموسيقيين كان لازم يكون تنبيه مش وقف، وإحنا عدلنا كلمة "خمور وحشيش" وحرام يتقطع عيشنا، وخاصة حسن شاكوش وعمر كمال، وأضاف:"أنا عن نفسى مش خسران لاني أنا موزع شغال مهرجانات وشعبيات وكلاسيك، مضيفا أن أغنية "بنت الجيران" دى من أكثر الأغاني اللى جابت لينا تفاعل كبير". وعن دوره في أغنية "بنت الجيران" وأضاف إسلام ساسو في تصريحات لـ"انفراد":" أن أساس اغنية بنت الجيران، وأنا اللى أقول الأغنية دى تتعمل والإ متتعملش، والموزع هو روح الأغنية، هو من الأساس الأغنية، الأغنية من بدايتها لما اتكتبت كلامها ، أساسا سجلها حسن شاكوش لوحده، ومكنش عمر كمال موجود، وبعدين جه غنى في الأغنية، وحطيت التاتش بتاع والميكس". وتابع ساسو :" الموزع في أيده يفشل الأغنية أو ينجحها،لأن نجاحها متوقف على الموزع،والأغنية نجاحها مش مطربين بس، دول في ناس كتير، وأنا لو مكنتش عايز اهتم بالأغنية، لأن الأغنية من بدايتها كانت عادية، ولكن لما جات لى اديتها الروح". وعن سرقة لحن محمد حماقي، قال إسلام ساسو :" أنا مبسمعش أي أغاني، أنا كل الأغاني بسمعها في المواصلات، ولا أعرف أن اللحن مسروق، اتفاجئت لما حصل مشكلة، ومكنتش أعرف أنه لحن حماقي، لكن استغربت أن حسن شاكوش وعمر كمال، اعتذروا لأنهم كانوا عارفين أنه بتاعه، أنا اللحن جالي ومش غلطان ومش مطالب أنا باعتذار" ولفت أن الموزع مظلوم في مكاسب الأغنية، قائلا :" أن المطرب بيكسب من كل حاجة من اليوتيوب وغيره كتير أوي، من أفراح وحفلات، وغيرها كتير، مضيفا:"أنا يدوب أخدت إيجاري في أغنية بنت الجيران، ومخدتش أي حاجة تانية، والمطربين أخدت مكسب 500 ألف مرة". وعن أعمالهم الجديدة قال موزع أغنية بنت الجيران :" إحنا حاليا شغالين على أغنية عود البطل، ودى أغنية هتكسر الدنيا، وهيكون ليها نجاح كبير ، دى كلمات غزل زى بنت الجيران، ولكن بطريقة جديدة محدش غنى بيها قبل كده، وهيكون نسبة نجاحها 70 % أو 80 %، وكلماتها مختلفة عن بنت الجيران، وهيغنيها حسن شاكوش وعمر كمال، وهتصدر خلال أسبوع". وعن قرارات المنع من نقابة الموسيقيين تابع موزع بنت الجيران :" أحنا هنكمل شغلنا واليوتيوب ملهوش علاقة بقرارات المنع اللى صادرة من النقابة، وإحنا شغلنا لا يصنف مهرجانات، لأن أساسا بنت الجيران مش مهرجان دى أغنية شعبية". وأوضح قائلا :" أنا شايف لفظ خمور وحشيش في أغنية بنت الجيران عادية جدا، وفى أغاني كتير لنجوم كبيرة في كلمات كتير عن ده، والاغنية الجديدة مش هيكون في أي ألفاظ أو بذاءات، وإحنا مش بنشتغل إسفاف، وشايف أن كلمة خمور وحشيش مش إسفاف"