بتاعة ساندوتشات.. "ندى عصام" ممثلة عشقت البيزنس ففتحت عربية أكل.. تعلمت الطبخ من جدتها فى سن الثامنة.. تدرس فى المعهد العالى للفنون المسرحية.. تشغيل الشباب حلمها.. وشعارها فى الحياة "إحنا اتخلقنا عشان

"إحنا ما اتخلقناش عشان نقعد، اتخلقنا عشان نشتغل ونتعب وننتج، لو ما اشتغلناش دلوقتى هنشتغل إمتى؟" بهذه الكلمات بدأت "ندى عصام" حديثها مع "انفراد"، واتخذتها شعارًا لحياتها، لذا قررت الفتاة التى مازالت فى العقد الثالث من عمرها، امتلاك مشروعها الخاص. عربة أكل فى حى الدقى تقف "ندى" خلفها تجهز الساندويتشات، هذا ما قررت القيام به، فعلى الرغم من أنها تدرس فنون التمثيل والإخراج فى المعهد العالى للفنون المسرحية فى الفرقة الثالثة، إلا أنها تجد ملاذها فى الأكل سواء كانت تصنعه أو تأكله، ترى لماذا تقف تلك الفتاة أمام هذه العربة؟. تقول "ندى": "أنا ممثلة وأحب عملى جدا، فالتمثيل أخرج طاقتى فيه وهو كل حياتى، كما أننى أيضا أعشق الاقتصاد ففكرت أن أفتح مشروعى الخاص، وهو عبارة عن عربة أكل لتقديم السندوتشات.. عرضت الفكرة على والدى فرحب جدا مع الأخذ فى الاعتبار أنى فتاة وسأنزل إلى العمل الميدانى الذى من المحتمل أن يجلب لى بعض المتاعب". وتابعت الفتاة:" جدتى هى اللى علمتنى الطبخ من وأنا عندى 8 سنين بعمل كل الأصناف، وده اللى ادانى الدافع إنى أعمل مشروعى اللى بفهم فيه، وعلى طول روحت ورشة تصنيع عربيات الأكل فى منطقة النحاسين وطلبت تصميم عربية أول ما عينك تقع عليها تعرف إن صحبتها بنت، وسميتها بوجى وطمطم". وأكملت "ندى":" أنا حبيت الفكرة جدا هى مش حرام ولا عيب وكمان مختلفة إلى حد ما عشان كدة عملت للموضوع دراسة جدوى بسيطة، ونفذتها كما ينبغى عشان كده ما فيش معوقات قابلتنى غير ارتفاع الإيجار اللى عالى عليا وأنا لسة ما عملتش زبون فبحاول أقدم منتج حلو ولذيذ ونظيف وسعره قليل ومناسب،بس كله رايح للإيجار بالإضافة إلى إن معايا الشيف ربيع بيساعدنى فى تجهيز الطلبات والدليفيرى، لكن بعد كده إن شاء الله الدنيا تظبط". وتضيف: "منتجاتى جميعها طازجة، سواء لحوم أو فراخ أو بانية، وأيضا المصنعات أجلبها من شركات مضمونة لأن أهم شىء لدى أن يعشق زبونى طعم وجبته التى يأخذها من عندى، لذا أحرص على ارتداء الجوانتى، أثناء تحضير السندويتشات أو الحواوشى، كى أكسب ثقة من يرانى فيعود إلى مرة أخرى". واختتمت ندى عصام حديثها، لـ"انفراد"، قائلة إنها تتمنى أن ينجح مشروعها ويكبر ويصبح لديها أكثر من فرع، وتقول:" نفسى أعمل مشروع كبير وأشغل شباب كتير.. أحلى حاجة فى الدنيا إنك تكون سبب فى فتح بيوت الناس وسد احتياجاتهم"، وعاوزة أقول إن الشغل مش عيب طالما حلال ما حدش يتكاسل، بلدنا الفترة دى محتاجالنا كلنا وخاصة اجتهادالشباب، إحنا جينا الدنيا عشان نشتغل ونحقق نجاحات ونفخر بنفسنا".