رواد التواصل الاجتماعى يسخرون من جروب I know him بكوميكس للزعيم عادل إمام نجم القفشات الأول ومحمد سعد يتألق ببوحة واللى بالى بالك .. وأحمد حلمى وعلاء ولى الدين بالناظر

فى ظل الغلاء وارتفاع الأسعار وسطو الدولار على الجنيه المصرى، انشغل رواد مواقع التواصل الاجتماعى ، فيس بوك بما هو بعيد كل البعد عن تلك الأحداث فى هدنة سياسية واقتصادية رافعين شعار "دعونا بمشكلاتنا العاطفية "، لنستيقظ من النوم على إنشاء جروب I know him، لتنشر فيه الفتيات صور من خدعهن من الشباب ليكون الرد عليهن من الجانب الذكورى بجروب مماثل تبادل فيه الطرفان الفضائح ، الأمر الذى قابله البعض بالسخرية والبعض الآخر بالغضب، وإليكم أبرز الكوميكس التى تم تداولها بعد انشاء i know him ، وi know her.



كوميكس لمحمد رمضان بمسلسل الأسطورة وعصام النمر، دانت بترد متأخر لا دا انت صورتك تنزل على i know him بقى.



وآخر لفيلم أبو على " يا حسن يا حسن ، البت سوكا نزلت صورتى فى i know him" ، أما السناجل فرفعوا شعار " احنا فى السليم" وصحبها صورة محمد سعد وعلاء ولى الدين فى فيلم الناظر.



وفى كوميكس آخر يوضح حال البنات فور رؤيتهم لصورة حبيبهم فى جروب i know him ، لفيلم بوحة ولبلبة تقول لمى عز الدين يابنتى هو ، لا يا ما مش هو ، يابت نفس الخلقة"، وآخر بفيلم اللى بالى بالك ورياض المنفلوطى يقول " هاتولى الكلب دا".



وكوميكس لعادل إمام بفيلم السفارة فى العمارة، يقول " أنا صورتى نزلت على iknow him، وانتى صورتك نزلت على I know her ، فيعنى لو هاه" ، وكوميكس لخالد الصاوى وسعيد طرابيك" يابنتى الواد اللى بتحبيه دا صايع وبيلعب بيكى ، أشوف صورته الأول على iknow him لا مؤاخذه".