"ازاي تخلي البنات تحبك" .. هو ليس عنوانا لفيلم، ولكنه "حلم" أو أحيانا كابوس، يطارد عدد كبير من الشباب الذين لا يدور في رأسهم إلا هذا السؤال "ازاى أخلى البنات تحبنى" .
وكما قال الكينج محمد منير فى احلى اغانيه " في بلدي البنات كل البنات تحلم تضوي زي النجوم بتحلم ترفرف زي الرايات " فعالم البنات مليان اسرار ولكل بنت مفتاح للوصول لقلبها، و لكل فتاه سرها ولكل بنت أسلوب التعامل الخاص بها وإذا أردت أن تمتلك قلب الفتاه عليك ان تعرف هذا السر أو تفتح الباب الذى تدخل منه إلى قلبها ولكن إلى جانب هذه الحقيقة هناك 25 نقطه نشرتها احدى الصفحات على الفيس بوك ،تتفق عليها جميع الفتيات، تعرف على هذه النقاط لكى تتمكن من امتلاك قلب فتاتك:
1_اهتم بيها.
2_خليك محترم معاها .. بس مش محترم أوي.
3_اكره كل البنات اللي هي بتكرهم .. ده لمصلحتك.
4_اكره كل البنات عامة.
5_فاجئها هتحبك اوي .
6_متبقاش عصبي بزيادة هتتقفل منك بسرعة.
7_متبقاش بارد .. وخصوصا لو هي من النوع البارد كده هتعصبها.
8_خليك إنسان ألي.
9_اسمعها .
10_اهتم بالتفاصيل وهي بتحكيلك حاجه ،وخلي عندك ثبات انفعالي ومهما كنت عارف في قرار نفسك إن الموضوع يتحكي في 5 دقائق.
11_استحملها 5 ساعات مش خسارة فيها.
12_أهتم بالتفاصيل الصغيرة لأنها أهم من العلاقة نفسها .
13_خليك محترم سافل في نفسك كده ومتسألش ازاي.
14_جننها، بس بعقل اه هما مجانين عادي وبيحبوا اللي يجننهم.
15_اتقل، بس مش أوي .
16_اعرف هي بتفكر في إيه من غير ماتقول "السحر مذكور في القران" اتصرف.
17_قولها إنها أحلي واحدة عرفتها ،اه إكدب فى الموضوع ده عادي .
18_قولها الإجابة اللي هتريحها، حتي لو كدب بس هي هتعدي "بمزاجها".
19_إياك تكدب عليها غير فى اللي قولتهولك.
20_متعملش نفسك ناصح عليها ، ده لمصلحتك انت.
21_التفاصيل الصغيرة بقي كتير الفترة الجاية شد حيلك.
22_خليها تلف حوالين نفسها "مش حرفيا".
23_حسسها إنها مهمة دايما خد رأيها اللي ملوش أي تلاتين لزمة.
24 _ البنت عامة بتبقي مش فاهمه نفسها احيانا، فمتحولش انت تفهمها علي قد ماتفهم ازاي تتعامل معاها بس اللي انا متأكد منه عامة ان كلمة صغيرة ترضيها.
25_ أهم حاجه بقي خلي معاك أدوية للضغط دايما،عشان اللي فات ده محدش يستحمله.
