احلام وطموحات حرمت منها الفتيات بسبب العادات والتقاليد التى تحتم عليها الخضوع والاستسلام وذلك لأنها" بنت مش ولد " ، ويجب عليها ان تكون تصرفاتها محصورة ، سال انفراد الفتيات "لو كنتى ولد ليوم واحد كنتى هتعملى إيه ؟ وظهر الكثير من الاحلام المكبوتة التى اتفقن اغلبهن على الخروج والسهر خارج المنزل والتطوع فى الجيش.
"نهى الشربينى " لو كنت ولد ليوم واحد كنت هتقدم للبنت للى بحبها وأصرحلها بحبى بدون تردد لان دى ميزة عند الولاد ومش عيب ان الولد يعترف بحبه، ودى مأساة بتعيشها بنات كتير مبتقدرش تطلب ايد الى بتحبه عشان" العيب وغلط".
"ميسون احمد " لو كنت ولد ليوم واحد بس كنت هخرج واسهر مع اصحابى للفجر، دى امنيه حياتى بجد لان صعب ان البنت تتأخر خارج المنزل او "تبات عند صحبتها" وده كله بيترفض تحت مبدأ العيب.
"منه احمد" لو كنت ولد ليوم واحد كنت هتطوع فى الجيش وأحارب عشان بلدى دى امنيه حياتى انى اقدم حاجة لمصر.
ايه فريد " لو كنت ولد ليوم واحد كنت هسافر ، هصحى الفجر هحلق ذقنى لانى مبحبهاش طويلة وهسافر بالعربية انا واصحابى ونتفسح ونتغدى برا واعمل سفارى، وبليل هروح شارع المعز والحسين والمقطم عشان اشوف الشروق من هناك ومحدش هيقدر يتحرش بيا عشان انا ولد مش بنت.
ابتسام السيد" هشترى موتوسيكل وأتمشى بيه ومش هعاكس بنات خالص حتى لو هما كلمونى هعمل فيها الواد التقيل .