نص تحقيقات النيابة مع المطربة شيما.. المتهمة: المخرج قاللى هاعملك كليب "سكسى" يكسر الدنيا عشان يغيظ طليقته "ساندى".. أثناء التصوير قاللى ادلعى وانتى بتاكلى الموز.. ومكنش قصدى أعمل فعل فاضح ومكنتش اعرف

- فكرة الكليب متاخدة من فيلم مرجان أحمد مرجان وكان اسمه "مش مكسوف - "شيما: كنت عايزه اشتهر وبكسب 6 آلاف جنيه فى الحفلة الواحدة وأنا لسة طالبة حصل "انفراد" على نص تحقيقات النيابة فى قضية المطربة شيما ومخرج كليب "عندى ظروف" المتهمين بالتحريض على الفسق، ونشر فيديو خادش للحياء. بدأ التحقيق بسرد محضر تحريات المباحث الذى أفاد بأنه انتشر فى الأونة الأخيرة على شبكات مواقع التواصل الاجتماعى فيديو كليب تظهر فيه المتحرى عنها "شيما" وتقوم بالإتيان بأفعال وإيماءت جنسية، فضلا عن وجود رموز جنسية فى أحد مشاهد الفيديو والغناء بطريقة مثيرة للغرائز الجنسية فى مخالفة لأحكام القانون. وأشار ضابط مباحث الآداب، إلى أن تحرياته أسفرت عن أن المتحرى عنها "شيماء أحمد عبد الرؤوف" 21 سنة، مقيمية بمنطقة النزهة، مشيرا إلى ظهور صورة فى الكليب عليها رقم 69 باللغة الإنجليزية، وهذا الرقم له مدلول فى الأفلام الإباحية، بالإضافة إلىvag"" وهى كلمة لها مدلولا جنسيا. وأوضح الضابط أنه بناء على قرار النيابة، تم القبض على المتهمة، وهى مترجلة أثناء دخولها منزلها بمنطقة النزهة، وضبط بحوزتها هاتفى محمول ومبلغ 200 دولار، وتم عرضها على النيابة. وبسؤال المتهمة أجابت أن اسمها "شيماء أحمد" 21 سنة طالبة بكلية آثار بالفرقة الرابعة فى إحدى الجامعات الخاصة، واعترفت المتهمة فى تحقيقات النيابة أمام معتز زكريا وكيل النائب العام بالآتى: ما ظروف ضبط وإحضارك ؟ اللى حصل إننى كنت بغنى من وانا عندى 8 سنوات، وبعمل حفلات فى المدرسة، ولما كبرت جيت أنا وماما إلى القاهرة، واتعرفت من خلال برنامج "أرب أيدول"، وبعد كده قابلت المنتج نصر محروس، ووقع معايا عقد عمل، وبعد كده صورت فيديو كليب "سونا"، بس فسخت العقد مع المنتج. كان فى مخرج اسمه "حسام بدران" كان متجوز المطربة ساندى وطلقها، وقاللى هاعملك فيديو كليب يكسر الدنيا، وعمله ليا عشان يغيظ ساندى. وبدأ يحضر مكان التصوير فى شهر 8، وقاللى الفيدو هيكون "سكسى" عامل زى فكرة مرجان أحمد مرجان، وأنى هقوم بدور مدرسة فى الفصل والطلاب بيحلموا بيها. س: ما مؤهلاتك الدراسية ؟ أنا فى رابعة كلية أثار بجامعة خاصة. س: ما علاقتك بالفن السمعى وحالتك الاجتماعية؟ انا آنسة وبحب الفن من صغرى واشتركت قبل كده فى مسابقة "آرب أيدول" بس سقطت فى المرحلة الثانية، وعملت فيديو كليب "سونا"، و"عندى ظروف". ما هى وسيلة تعايشك؟ أنا بغنى فى حفلات 5 نجوم، وباخد فى الحفلة 6 آلاف جنيه، فرقتى بتاخد منهم 3 وأنا باخد 3 آلاف وبصرف منها على والدتى. وما هى أول مرة قمت بالغناء؟ أنا غنيت فى الأفراح وأنا صغيرة فى طنطا، وأنا كنت فى أولى ثانوى، وكنت بشارك فى حفلات المدرسة. ما سبب مغادرتك مدينة طنطا؟ سافرت إلى القاهرة عشان أغنى، وكمان عشان دراستى فى الجامعة. من القائم بتأيف وتلحين كلمات تلك الأغنية المتواجدة فى المقطع المرئى ومتى؟ المؤلف اسمه محمد عاطف، والملحن رامى جمال من حوالى 6 شهور. من القائم بتسيمة تلك الأغنية "عندى ظروف"؟ هو اللى سماهامخرج الفيديو كليب حسام بدران، بس المؤلف كان مسميها "مش مكسوف"، والمخرج عدل الاسم. ما هو المقابل المادى نظير تأليف وتلحين تلك الأغنية ؟ لا هما عملوها ببلاش عشان هما أصحابى، وكانوا متفقين معايا على فلوس من "الكول تون" لما الأغنية تنزل. أين ومتى تم تصوير تلك الأغنية؟ إحنا صورناها فى فيلا بالتجمع الخامس أواخر شهر 8. ما هى كيفية تصوير ذلك المقطع المرئى؟ هو اتصور فى مكان للتصوير "لوكيشن" الأول عبارة عن فصل فى مدرسة و"اللوكيشن" التانى عبارة عن خلفية غامقة وأنا كنت بعمل اللى بيقولى عليه المخرج، ومكان التصوير كان مجهزه حسام بدران، وكذلك ملابسى التى ظهرت فى الكليب كان المخرج اللى جايبها. ما هو موضوع ذلك المقطع المرئى؟ موضوع الكليب متاخد من مشهد فى فيلم مرجان أحمد مرجان بتاع الفنان عادل إمام، وفيها أنى أقوم بدور مدرسة فى الفصل، وأن كل الطلبة يحلموا يرتبطوا بيها، ومضمون الأغنية عنلوم حبيبة لحبيبها. ما هى عدد المقاطع التى قمتى بتصويرها؟ هما 270 شوطا. ومن القائم باختيار المقاطع المرئية؟ هو حسام بدران اللى عمل المونتاج، وفؤجئت أنه أخذ شوطات غير اللى اتفقنا عليها. هل كان هناك أدوات تم استخدامها فى المقطع المرئى؟ أيوه هو كان فى موز وتفاح وعنب ومانجة. من القائم بإحضار تلك الأشياء تحديدا؟ هو حسام بدران، وهو اللى اشترى كل حاجة كانت فى مكان التصوير. وما سبب قيام المدعو حسام بدران بإحضار تلك الأشياء؟ هو قاللى أنه الحاجات دى هنستخدمها فى التصوير. وما هى الأفعال التى كنتى تقومين بها فى المقطع المرئى محل التحقيق؟ أنا كنت بكتب على "السبورة" كلمة "بايولوجى" وباكل العنب واقطع مانجو واكل موز وبوزع كراسات على الطلاب فى الفصل، وانزل "حمالة الصدر" اللى كنت لبساها. وما سبب قيامك بارتكاب تلك الأفعال؟ هو المخرج قاللى اعملى كده على سبيل التجربة. ملحوظة: تم فض الحرز رقم 1476 عبارة عن هاتف محمول، وبتفريفه تبين وجود صور وفيديوهات خاصة بالماثلة أمامنا تتواجد بأماكن سهر ليلى وأقرت بملكيتها له. ما تعليقك لوجود صور وفيديوهات بهاتفك؟ دى صور وفيديوهات شخصية، وطبيعة شغلى بكون فى حفلات ليلية، ولكن مفيش أى مقاطع جنسية فى تليفونى زى ما قال الضابط. من المسئول عن وضع كتابة أرقام وحروف لها مدلول جنسى التى ظهرت فى الفيديو؟ هو حسام بدران.. بس أنا مخدتش بالى إنها رموز إباحية. ما تعليقك لما قمتى به بالإتيان بأفعال تخدش الحياء وبها تلميح جنسى ؟ هو قاللى ادلعى وانتى بتعمليها.. وأنا مكنتش اعرف إنها هتظهر كده. وما سبب قيامك بتحريك "حمالة الصدر"؟ هو قاللى اعملى كدهبطريقة "سكسى"، وأنا عملت كده عشان هو المخرج. وما سبب قيامك بسكب الحليب على الموز بأحد مقاطع الفيديو محل التحقيق؟ هو قاللى أعمل كده عشان الطريقة تكون مثيرة، وفى مشهد تانى أنه يرمى عنب وأنا بجيبه. ما تعليقك أن جميع تلك الأفعال بها إيحاءات جنسية تخدش الحياء؟ أنا عملت فعلا الكلام ده.. بس المخرج لعب بالكاميرا، وجمع مقاطع كنت متفقة معاه أنه يحذفها، وأنا اعتذرت على صفحتى أول ما الفيديو اتنشر. ما قولك فيما هو منسوب إليك بأنك متهمة بإتيان أفعال فاضحة؟ أنا مكنش قصدى أعمل فعل فاضح.. أن عملت فيديو كليب علشان اشتهر، لكن المخرج استغله بالطريقة دى.