شن الإعلامى عمرو أديب، هجوماً كاسحاً على قرار ترخيص موائد الرحمن والشروط التى وضعت من أجل الحصول على هذا الترخيص، وتابع:"ده لأول مرة يحصل فى تاريخ مصر.. لماذا كل هذه الشروط للحصول على ترخيص من أجل عمل مائدة الرحمن ، طيب لما أعمل شركة استثمارية هعمل أيه".
وأضاف أديب :"طيب هسأل سؤال؟..أنا المصرى الجن ومخدتش تصريح وعامل مائدة الرحمن.. لو دكر شيل طبق من أيد وأحد بيفطر ..أنا مش هكلمك.. هجووووووووووم .. أنا عمرو أديب لو جيت تشيل طبق من أيدى هقطعك".
وقال "أديب"، خلال تقديمه برنامج "كل يوم"، المذاع عبر فضائية "ON E"، وراديو نغم "FM"، :"يا جماعة الرحمة أنا ودانى طولت..كل يوم تشوف مصايب فى البلد .. يا بنى روح شوف الأرض اللى بتبوظ ..والزبالة اللى مش بتتشال والناس اللى مش بتشتغل.. والمحافظين اللى منزلوش غير لما الريس قال.. شوف كل الكلام ده .. دى اسمها مائدة الرحمن ده ربنا بيرحم.. يا ريت السنة كلها تبقى موائد الرحمن.. أموت وأشوفه اللى عمل قرار موائد الرحمن".