لم يكن يتخيل يوماَ أنه سيقدم على جريمة قتل، ولم يتخيل يوماَ ايضاَ أنه إذا أقدم على مثل تلك الواقعة لن يكون صديق العمر، هذا ما حدث مع "وحيد.ا"، 30 سنه، المتهم بقتل صديقه بسبب 20 جنيه بالمطرية .
وقال "وحيد.ا"، 30 سنه، فى تحقيقات نيابة شرق القاهرة بالقضية رقم 13400 لسنة 2016م جنح القسم: "أنا مكنتش اتخيل فى يوم من الأيام أن الأمور توصل بينى وبين صديق عمرى للدرجة إنى ءاقتله، اللى حصل إن خالد عبد الحميد أحمد، سائق، طلب منى 20 جنيه سلف، روحت اديته الفلوس زى ما طول عمره بيدينى فلوس" .
وأضاف المتهم: "ويوم جالى وطلب الفلوس قولتله مفيش معايا غير 20 جنيه، قالى هاتها، رحت مدهاله، وطلبتها منه أكتر من مرة لكن كان بيقولى ديماَ مش معايا، ويوم الواقعة طلبت الفلوس قالى مش معايا وملكش عندى حاجة، رحنا اتخانقنا مع بعض " .
وأشار المتهم: "قام مسكنى وضربنى ورمانى على الأرض، رحت مطلع المطواة اللى على طول بمشى بيها وضربته فى بطنه وصدره، بس ضرب ميموتش، منش قصدى اموته، ووقع وفضل يجيب دم وينزف بطريقة رهيبة " .
ووجهت النيابة العامة للمتهم إرتكاب جرائم القتل العمد وحيازة سلاح بدون ترخيص .
من جانبه، قررت نيابة شرق القاهرة الكلية، برئاسة المستشار محمد عبد الشافى، حبس المتهم 4 أيام على ذمة التحقيقات، على خلفية اتهامه بقتل صديقه بمطواه قرن غزال بسبب 20 جنيه .