تعرف على السبب الحقيقى وراء منع دخول السيدات لمقر المحكمة العسكرية بالجبل الأحمر

كشف خالد المصرى، المحامى، عن السبب الحقيقى وراء القرار الصادر من الجهات المختصة بمنع دخول النساء لمقر المحكمة العسكرية بالجبل الأحمر.

وروى "المصرى" القصة كاملة فى تصريحات صحفيه، حيث أكد: "وصلتني رسالة من الفتاة التي تسببت في منع دخول النساء لمقر المحكمة العسكرية بالجبل الأحمر بسبب شمروخ كان معها جاء نص الرسالة كالتالى:-

أستاذ خالد. السلام عليكم:

"قرأت منشور حضرتك عن منع النساء دخول الجبل الاحمر والسيدة اللي حضرتك ذكرتها هي للأسف أنا كنت ذهبت يوم الخميس لأننا غير متأكدين من موعد جلسة أخي وطبعا أول مرة أروح وهو بيفتش الشنطة عادي لقى الشمروخ كان اخويا الصغير بيلعب بيه و سايبه معايا في شنطتي ونسيت اطلعه قبل ما اروح وهبعت لحضرتك صورته وقالي دا بخور ؟ " .

وتابع: " قلتله لا صاروخ فاخده ودخلني عادي وشوية وخرجونا كلنا بعد ما اخد صورة بطاقتي وطبعا أخي لم يكن حاضرا ونزل يوم السبت وسمعنا صوته وهو داخل من عربية الترحيلات وهو خارج يعني كنا مع الناس اللي انتظرت في الشارع والجلسة دي كانت مهمة لينا لان أخي كان في الانفرادي وممنوع من الزيارة لحد 5 / 12."

واستطرد: "ربنا يعلم انا نفسيتي تعبانة قد ايه من وقت ما عرفت إن سبب المنع أنا ودلوقتي أكتر لما قرأت ردود الناس ع البوست وشوفت الناس وهي بتدعي عليا ورسالتي للتوضيح بس ارجوك قول للناس إحنا في كرب شديد محدش يدعي عليا وانا أسفه ليهم كلهم" .