بيديها الممتلئة بالتجاعيد وعلامات الزمن الشاهدة على معاناتها طوال حياتها تطرق بمفتاح على الأنابيب المحملة بالعربة الصغيرة التى اعتادت أن تسير بها كل يوم من الصباح حتى تتخلص من أخر أنبوبة لتنبه الزبائن بأنها جاءت ، هى الحاجة جمالات ” 60 عاما ” وتعمل بائعة أنابيب بوسط البلد بالقاهرة.
تحدثت عن قصتها لكاميرا”فيديو7 قناة انفراد المصورة ” قائلة :” أنا من الفيوم ولما جوزى طلقنى نزلت القاهرة ومعايا ابنى الوحيد وعشت فى حتة فى القاهرة وكان عندى جارتى بتشتغل فى بيع الأنابيب عرضت عليا أشتغل معاها رفضت فى الأول لأنى استغربت إنى أشتغل فى المهنة دى لكن أقتنعت وبدأت أشيل الأنبوبة على كتفى وألف الشوارع ومع الوقت ربيت زبون أشتريت عربية صغيرة أشيل فيها 5 أو 6 أنابيب وألف من الصبح لحد مااخلص الأنابيب وأرجع البيت وأدينى بجرى على رزقى “
عن أمنية الحاجة جمالات أو “أم أشرف”كما هى معروفة بين زبائنها تقول :” نفسى أحج ويكون عندى شقة أنا وأبنى بدل الشقة اللى إحنا عايشين فيها دى لأنها متأجرة وكل شهر لازم أدفع إيجار وأنا وأبنى مش بنقدر عليه”