بالصور.. رحلة سورى للعثور على أشقائه بمصر.. ورواد فيس بوك: "شير يمكن يوصل"

فى لفته إنسانية، دشن رواد موقع التواصل الاجتماعى فيس بوك، حملة لمساعدة شاب سورى فى العثور على أشقائه فى مصر، بعد تعرضه لحادث شنيع بسبب مقتل والديه أمام عينيه على يد التنظيمات الجهادية فى سوريا.

وانتشرت صورة الشاب بكثافة عبر فيس بوك الأيام الماضية فى محاولة للوصول لأشقائه ليلتقى بهم، فجاء المنشور "ده شاب سورى بقالى حوالى أسبوعين بشوفه فى شارع مصطفى النحاس قاعد فى الشمس ومعاه بطانية بينام عليها بالليل فى مكانه ومش راضى يتكلم، بعد أكتر من محاولة من الناس معاه عرفنا أن أمه وأبوه ماتوا قدامه فى سوريا بعد كده جه مصر عشان ليه أخوات هنا ومعرفش يوصلهم، هوا دلوقتى شبه فاقد لعقله ومش بيتكلم مع حد خالص".

وأضاف المنشور "ولما جيت أصوره وافق وأعد يغير وضعه يمين وشمال عشان يظهر كويس كأنه حاسس انى هنشر صورته، فمعلش يا جماعة شير ممكن أخواته يوصلوله أو حد ياخده يهتم بيه ويساعده، هو موجود أمام مسجد المؤمن المهيمن بآخر مصطفى النحاس اللى عايز يوصله هيلاقى سواقين النقل اللى هناك والست بتاعة الشاى عارفه مكانه".