شارع المعز يجمع توليفة معجونة من التاريخ المملوكى القديم والأنتيكات المنتشرة فى محلات ودكاكين خان الخليلى، فهواة جمع التحف يتجمعون يوميا داخل تلك الدكاكين، لملاحقة كل ما هو لافت ومثير لإهتماماتهم، فالقيمة فى التاريخ والشخصية.
وبالتواصل مع أقدم بائع انتيكات فى شارع المعز ويدعى خالد زكى، صرح لـ"فيديو 7" قناة انفراد المصورة، بـ"انا ببيع الانتيكات هنا بقالى 40 سنة، وكل الحاجات القديمة كمان من التحف موجودة عندى لمحبى جمع الأنتيكات، ومنها الكمبروسر اللى بينفخ عجل السيارة، ومحمصة البن ومطحنة البن، بالإضافة إلى منظار المساحة القديم وميزان الذهب والمكاوى القديمة، ومكاوى الفحم وأوقية الميزان والهون وماكينة العراوى والكاميرات القديمة وساعات الحائط والمراوح والراديوهات وتليفون فاتن حمامة وتليفون تشارلى شابلن والجرامافون وشنطة تايتانك والشيشة التركى وماكينة خيط العروسة والكلارليك اللى اتمسك بيه عبد الحليم فوق السطوح فى فيلم شارع الحب، وميكروسكوب ألمانى".