برة الملعب.. ندى أيمن بطلة الجمباز: مش بعرف أطبخ وبحب إد شيران

بعيداً عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن. نجمة اليوم هى ندى أيمن لاعبة منتخبالجمباز، فكان معها الحوار التالى .. ما هوايتك المفضلة بعيدا عن الرياضة؟ بحب السفر جدا. ما الأكلة التى تتميزين فى طبخها ؟ ولا أى حاجة، مش بعرف أطبخ للأسف. من نجمك المفضل ؟ دوين جونسون هو نجمى المفضل. من مطربك المفضل ؟ المطرب الإنجليزى إد شيران. لو لم تكونين لاعبة كنتى تتمنى تكونى إيه؟ الرياضة بتجرى فى دمى، لو مكنتش لاعبة كان هيبقى نفسى أكون لاعبة برضه. لما تتعاكسى فى الشارع.. ممكن تستخدمى العنف أم لا؟ لا هتجاهل الموقف، ومش هرد. مين من نجمات السينما كنتى تتمنى تكونى مثلها؟ إيما واتسون. بتحبى الملابس الكاجوال ولا الفورمال؟ الكاجوال أكيد لأنه أسهل فى الحركة والرياضة اللى بنمارسها. تحبى ترتبطى بشخص رياضى أم غير رياضى؟ والله مش هتفرق المهم الشخصية وقتها. لو طلب منك تسيبى الرياضة هتعملى إيه؟ هرفض طبعا.. الرياضة حياتى.