رضا عبد العال: "مصر مفيهاش مدرب دكر غير أنا والجوهرى وحسن شحاتة"

علق رضا عبد العال، مدرب فريق طنطا، على وضع التدريب في مصر والمدربين في الوقت الحالي ومستوياتهم، وقال: "أنا معرفش مدرب دكر في مصر غير حسن شحاتة، ومحمود الجوهري وممكن أنا الفترة الجاية، واحنا دايما عقدتنا الخواجة، وأي مدرب أجنبي ييجي ينجم نفسه هنا، وأي دولة عربية تزغلل عينه بالدولار يسيبك ويخلع". وتعليقا على أزمته مع اللاعب السابق إبراهيم سعيد، قال: "معرفش حد بالاسم ده، ولو هتكلمني عن الماتش والكمامة، فكانت الناس بتصورني فحطيت الماسك على وشي، ومستحيل أكون لابسها أساسا بالشكل ده، إنما لو سألتني عن الشخص ده هقولك أنا ماعرفوش، ومعرفش حد بالاسم ده من الأساس" وأضاف خلال مداخلة مع الإعلامي عمرو أديب ببرنامج "الحكاية" الذي يذاع على قناة mbc مصر: "بالنسبة للكاميرا اللي ماشية معايا طول الـ 90 دقيقة، دي تقدر تسأل فيها المخرج، وبعدين ردود أفعاله طبيعية، أنا حطيت إيدي على وشي كنت أقصد أن الكورة جت في وش اللاعب ومكنتش بلطم، وساعتها فريق الزمالك بيعترض على الحكم، فأنا حبطت على وشي، بقولهم سيبوه الكورة جت في وشه". وعن أزمته بخصوص إبراهيم سعيد، قال: "وبكرر، أنا مجبتش سيرة حد، ومعرفش حد بالاسم ده، ولو أعرف أن الكلام هيبقى عن الموضوع الهايف ده مكنتش عملت مداخلة، إنما هنتكلم عن الدوري والكورة والفرقة عنيا ليك يا أستاذ عمرو".


الاكثر مشاهده

ميلنر بعد فوز ليفربول على أياكس: أسبوع متذبذب وأداء جيد فى مباراة صعبة

تحدى ليفربول بدون فان دايك وثلاثية السيتي الأبرز فى صحف إنجلترا.. صور

الصين تعلن تمديد الاتفاق المؤقت مع الفاتيكان حول تعيين الأساقفة

محمد فضل يهنئ حسام غالي بعيد ميلاده: "جدعنة وأصل والتزام ودايت كتير".. صور

هيئة الدواء تسحب تشغيلات عقار لعلاج اضطرابات الجهاز التنفسى.. التفاصيل

تعرف على اتحاد المنظمات الإسلامية فى فرنسا.. المسئول عن نشر فكر الإخوان

;