تحدث أحمد كشري، المدير الفني لفريق الإنتاج الحربي، عن المواجهة المنتظرة أمام الأهلي مساء الأحد في بطولة الدوري.
وقال كشري، في تصريحات تليفزيونية: "مباراة الغد من المباريات التي نتمنى التوفيق فيها، وبعض الفرق مش بتحط حسابات في مباريات الأهلي، لكن إحنا مالناش خيارات غير الـ3 نقط علشان موقفنا الصعب في جدول الدوري".
وأضاف: "تحدثت مع اللعيبة قولتلهم ضيعنا نقاط كتير في مباريات نقدر نفوز فيها بنقاط أكتر، موقفنا صعب وعاوزين نحسن الترتيب، المباريات الي فاتت كنت في قمة مستوايا والفريق دخل في الفورمة، فترة الابتعاد عن المباريات دي مش في صالح الفريق، كنت أتمنى استمرار اللعب".
وتابع: "عندي اصابات وغيابات فنية زي محمد طلعت، كل العناصر الي معانا عندها اصرار ومميزين وعاوزين الفوز، نتمنى نكون في حالتنا بكرة ".
واختتم تصريحاته: "اتعودنا نكسب حتى لو هنلاعب بعض، مينفعش نتهاون، الموضوع سمعة، مع الترسانة واجهت الأهلي في الكاس اتقدمت عليه مرتين وخسرنا في آخر المباراة هنلعب بشرف، لو اللعيبة في حالتها هنعمل نتيجة كويسة".