كشف والتر هودج لاعب سلة نادي الزمالك السابق، عن موقفه من عرض الزمالك المقدم لضمه خلال الفترة القادمة، قائلا: بالفعل الزمالك قدم عرض رسمي لعودتي مرة أخرى، ولما أتكلموا معايا قولتلهم أنا عاوز الفلوس بتاعتي إلى لسه ماخدتهاش من الموسم الي فات".
وأضاف والتر هودج في تصريحات تليفزيونية: "أنا أديت دوري وقدمت كل ما أملك من مجهود ومن حقي أحصل على مستحقاتي المتأخرة، وقلت لمسئولي الزمالك إني أخد فلوسى الأول وبعدين نتكلم، وهناك مناقشات تتم حاليًا عن مستحقاتي المتبقية مع الزمالك في الفترة الحالية".
وعن موقفه في حالة وجود عرض من الأهلي والزمالك في نفس الوقت بنفس المقابل المادي، قال هودج: "هبحث عن النادي الأكثر احترافًا، ولو الزمالك دفعوا الفلوس القديم وهناك عرض نفس مقابل الأهلي هختار النادي المحترف أكتر، وأوجستي قال لى أن الأهلي نادي محترف وهو حابب الفريق ومبسوط هناك مع الأهلي ويحصل على مستحقاته بانتظام".
وواصل هودج: "الجميع يتحدث معى عن وجود مفاوضات بينى وبين الأهلى ولكن هذا ليس صحيحا، لا يوجد تواصل بينى وبين أحد فى الأهلى إلا أوجستى مدربى السابق ونكتفى فقط بتهنئة بعضنا البعض بالفوز بالمباريات والبطولات".
وعن المفاضلة بين الأهلى والزمالك، قال هودج: "مفيش عروض رسمية من الأهلى إنى أقدر أقول أنى رايح ولا لأ، بأكد أن مفيش عروض من الأهلى وعلاقتى الوحيدة بس مع أوجستى، وأنا عاوز فلوس، لو الفلوس بتاعتى هاخدها ممكن ألعب فى أى مكان، أهلى أو زمالك أو غيره، ده شغل ومش مهم هلعب فى أى ناد".