كشف أحمد الأحمر، قائد فريق كرة اليد بنادي الزمالك، أنه راض عن الموسم الذى قدمه فريق اليد، موضحا أن الزمالك استطاع التتويج بـ4 بطولات من 6 بطولات نافس عليها كوماندوز اليد.
وقال الأحمر، في تصريحات لقناة نادي الزمالك: "لقاء السوبر الأفريقي أمام الأهلي بعيد عن أنه لقاء كرة يد، كنا زعلانين جدا لأننا خسرنا، وقعدنا بعد الماتش اتكلمنا إننا عندنا بطولة تانية ولازم نكسبها، إحنا مش جايين نخسر كل حاجة".
وأضاف الأحمر: "سمعت أرقام غريبة ف مباراة السوبر أنى ضيعت ضربات جزائية كتير برغم إن المباراة مش متذاعة، ده طبيعي في السوشيال ميديا آخد كل الآراء بس متأثرش عليا، اتكلم زي ما انت عايز بس مفيش كلام بيأثر علي مهندس أو دكتور".
وتابع قائد فريق اليد بالزمالك: "إحنا اخدنا 4 بطولات من 6 كنا متعاهدين إننا هنكسب كل حاجة بس 4 من 6 حاجه كويسة ومش بتحصل غير مع الفرق الكبيرة بس، مجهود غير طبيعي وسنة طويلة جدا".
وختم الحمر تصريحاته قائلا: "يحيى الدرع أحسن لاعب في مصر ونادي الزمالك ضاف للدرع وهو أضاف لينا، وللزمالك خلال 4 سنين حقه كان يرفع الكأس تكريم ليه في آخر مباراة، النادي هيعمل احتفاليه قريب للدرع ولينا".