عبر الفنان شريف رمزى، عن حزنه الشديد لرحيل الفنان ماهر عصام فى الساعات الأولى من صباح اليوم الأحد، داخل أحد مستشفيات السادس من أكتوبر بعد صراع مع المرض عن عمر ناهز 38 عاما.
وكتب شريف رمزى، عبر حسابه على موقع التواصل الاجتماعى " فيس بوك"، قائلا : " الوسط الفنى كله النهاردة حزين و مصدوم و متأثر بوفاة الطيب المحترم الموهوب الخلوق ماهر عصام رغم إننا اتعودنا بقالنا فترة على فراق ناس كتير".
وأضاف: "أعتقد أن سببا من أسباب الحزن ده إن ماهر مات من غير ما ياخد حقة اللى يستحقه واللى يليق بموهبته وبأخلاقه و بإنسانيته و احترامه و حبه للناس و للخير و للحياة وبالأخص لمهنته وأكيد ربنا له حكمة فى كدة".
وتابع، شريف رمزى: "أتمنى إن وفاة ماهر تصحى ناس كتير و تخلينا كلنا نتعظ و نراجع نفسنا و نقدر و ندور و نبذل مجهود مع المواهب و الناس اللى لسة موجودة و عايشة حوالينا و محدش حاسس بيها و لا فاكرها ولا واخدة حقها لأن أوحش حاجة فى الدنيا إن موهبة تموت قبل ما تظهر أو تكتمل وداعا يا ماهر مش حتتعوض و مش حننساك".
