طرح فريق مسار إجبارى والمطرب الشعبى أحمد شيبة، كليب أغنية "انزل وشارك"، التى تدعو المواطنين للنزول والمشاركة فى الاستفتاء على التعديلات الدستورية الجديدة، تحت شعار "عشان بلدنا ومستقبل ولادنا.. انزل وشارك وريح ضميرك".
أغنية "انزل وشارك" من تأليف محمد جمعة، وتقول كلماتها:
آدى القلم وآدى الميزان وآدى الطريق
وانت الحكم وبردو أنت الفريق
ما تحوش صوتك وعلى صوتك بالغنا.
وانزل وشارك ده اللى شارك فى البنا.. مخسرش شيء
لو فوق كتافك حمل صعب عليك تشيلو
شارك صحابك ع الأقل يخف كيلو
بالعقل طلعم للقمر مش بالدراع
وبالمشاركة الكل يابنى الخير يجيلو
ما تقوم يا صاحبى مصر جايه بتنادينا
ايدك فى ايدى عشان نعدى بالسفينة
شارك وشد الحبل وارفعلك شراع
ده كل بر شاب جملة يالا بينا
انزل وشارك واوزنها
واختار حياتك وارسمها.
ومن المقرر أن تعقد الهيئة الوطنية للانتخابات برئاسة المستشار لاشين إبراهيم، مؤتمرًا صحفيًا، اليوم الأربعاء، فى تمام الثالثة عصراً، بمقر الهيئة العامة للاستعلامات، فى مدينة نصر، لدعوة المواطنين للاستفتاء على التعديلات الدستورية، وتحديد الجدول الزمنى لإجراء التصويت خارج وداخل البلاد.