تامر حسين يصالح جمهوره بـ"كوبليه" جديد لأغنية "يا بلدنا يا حلوة"

شارك الشاعر الغنائي تامر حسين، جمهوره ومتابعيه عبر حسابه الرسمي على موقع التواصل الاجتماعي "إنستجرام"، مقطع فيديو لكوبليه من أغنية، معلقا عليه :"كوبلية صالحنا بيه باقى المحافظات.. يا بلدنا يا حلوة"، حيث أشارت كلمات الأغنية إلى أهل كفر الشيخ والوادي الجديد والبحيرة وبني سويف والغردقة. View this post on Instagram كوبلية صالحنا بيه باقى المحافظات #يابلدنا ياحلوة🇪🇬 A post shared by Tamer Hussein (@tamerhusseinofficial) on Sep 7, 2020 at 11:01am PDT ويأتي ذلك بعد تعاون تامر حسين مع الهضبة عمرو دياب في أغنية "يا بلدنا يا حلوة" التي تبرز جمال مصر وأهلها، حيث تقول كلمات الأغنية :"يا بلدنا يا حلوة بالناس الحلوة، والناس الحلوة في بلدنا كتير، في وشوش سمرا وجميلة تقابلهم تبتسم، صور والنوبة عيلة صورة حلوة بتترسم، المنيا سوهاج قنا في القلب قريبين، الأقصر أسيوط بيوت بالجدعنة معروفين... يا بلدنا يا حلوة بالناس الحلوة، والناس الحلوة في بلدنا كتير، خدلك هنا أحلى صورة منصورة بأهلها، دي محلة جمالها حلة الدنيا كلها، على راس البر روح اتفرج على الجمال، أشمون واخدة العيون والقعدة هناك خيال". وتضيف الأغنية :"يا بلدنا يا حلوة بالناس الحلوة، والناس الحلوة في بلدنا كتير، الشرقية الأصيلة أهلي وبلد الكرم، قلبي على أرض سينا رفرف زي العلم، وحشاني يا بورسعيد، إسماعلية كمان، بسبيس دانا اقول واعيد عن أبطالك زمان... يا بلدنا يا حلوة بالناس الحلوة، والناس الحلوة في بلدنا كتير، شبرا ومصر القديمة ماري جرجس والحسين، وكنيسة في وش جامع في بلدنا العيد عيدين، اطلع على الأهرامات علشان حبك يزيد، هتعيش لك أحلى يوم دي الفيوم مش بعيد، صبح على اسكندرية وعلى ناسها وأهلها... أيام غالية عليا في العجمي وشطها، مطروح مطروح كمان حبايبنا الطيبين، شايف سحر المكان هتلاقي ده كله فين، يا بلدنا يا حلوة بالناس الحلوة، والناس الحلوة في بلدنا كتير". وفي وقت سابق، أعرب الشاعر الغنائى تامر حسين، عن ردود الأفعال الجيدة عنأغنية عمرو دياب الجديدة "يا بلدنا يا حلوة"، مؤكدا أنه كان يتمنى أن يذكر كل شبر على أرض البلد ليشاهد العالم جمال مصر وشعبها، وأنها دعاية محترمة لبلدنا بعد أزمة كورونا وكل الأزمات التى مررنا بها، مشيرا إلى محاولتنا تجسيد الروح الجميلة فى شوارعنا وأحياءنا وبيوتنا والأماكن المصرية الأصيلة وعاداتها وجمالها، وأنه كان يتمنى أن يغنى الهضبة جمُلة للعيد تعيش طول العمر لأجيال وأجيال. وكتب حسين عبر حسابه وصفحته على فيس بوك: "الحمد لله على ردود أفعال الناس الحلوة فى كل مكان فى بلدنا الجميلة، بناسها الطيبة البسيطة، من شرقها لغربها لشمالها لجنوبها، كنت أتمنى أقول مكان مكان وكل شبر فى البلد والله عشان العالم كله يشوف جمال مصر وناسها". وأضاف حسين: "حاولت على قد ما قدر تجميع أبرز الأماكن أو المحافظات المترابطة القريبة لبعض اللى تمُثل قطاع أكبر من الناس سواء فى وجه قبلى أو بحرى، كلهم أماكن عظيمة نتشرف بيهم، بس دى أغنيتنا كلنا، ودعاية محترمة لبلدنا العظيمة بعد الكورونا وكل الظروف اللى بتمر بيها بلدنا الغالية". وتابع تامر: "كل فنان قام بدوره على أكمل وجه عشان يقدم مصر وناسها الطيبين فى أجمل صورة، مصر اللى مفيهاش عنصرية، فيها البيض زى السُمر، والمسلم أخو المسيحى، وكل المشاهد الإنسانية والروحانية اللى بنشوفها فى بلدنا مع الناس الأصيلة من كل فئات المجتمع المصرى، وحاولنا نجسد الروح الحلوة اللى فى شوارعنا وأحياءنا وبيوتنا والأماكن المصرية الأصيلة وعاداتها وجمالها". واختتم تامر قائلا: "كان عندى أمنية إن الفنان عمرو دياب يغنى جمُلة للعيد تعيش طول العمر لأجيال وأجيال، ودايماً فى بلدنا العيد عيدين، ودايما ًمصر حلوة بناسها وأهلها الطيبين، كل سنة وأنتم طيبين وبخير وعيد سعيد عليكم وعلى حبايبكم، وكل سنة ومصر حلوة بيكم ونخليها فى أجمل صورة بشبابها وأولادها المُخلصين والمتميزين فى كل المجالات".