عبر النجم تامر حسني عن سعادته الكبيرة بنجاح أحدث أغانيه "مبطلناش إحساس"، وتحقيقها أكثر من 4 مليون مشاهدة في يوم واحد، وكتب عبر حسابه بموقع "انستجرام" : "فخور اني غنيت من قلبي موضوع مهم و انتوا صنفتوه انه راقي و بيعبر عنكم، فخور انه محتوى صوتي فقط يعني مش كليب و يحقق ٤ مليون مشاهده في يوم واحد".
وتابع :" بجد الحمد لله و استقبالكم للمواضيع الراقيه بالطريقه دي بيثبت ان الناس متغيرتش بس اللي بيعمل حاجه مختلفه و صادقه بتوصل و زي ما دايماً بقول اللي بيطلع من القلب بيوصل للقلب ..شكراً لكل محبيني و محبين مبطلناش إحساس ".
كما وجه رسالة شكر لصناع الأغنية الشاعر محمد القاياتي ، الملحن محمد حمزه ، الموزع أمين نبيل ، المهندس هاني محروس و الماستر جلال حمداوي وإدارة الإنتاج هاني صليب
وتقول كلمات الأغنية:
كبرنا وعقلنا مابقاش كلامهم يشغلنا
ولا بنهتم نعرف ناس بتهملنا
كبرنا وفهمنا عرفنا إن الوجع أوقات
بيجى ويمشى بس عشان يعلّمنا
بطّلنا نقيس مقامتنا بعيون الناس
مش كل الناس بتشوف ولا كل الناس تتقاس
بطّلنا نحب زيادة مبطّلناش إحساس
سيبنا اللى بيسيبنا وبطّل بُعده يتعبنا
بقينا مع اللى فاز بقلوبنا وكسبنا
كبرنا فى عينينا ودى الحاجة اللى تعنينا
بقينا ندوس على الأوجاع تعلّينا
