شريف منير: رفضت فيلم "المولد" مع عادل إمام في بداياتى و"الكيت كات" نيشان على صدرى

حل الفنان شريف منير، ضيفا على برنامج "كلمة أخيرة" للإعلامية لميس الحديدى، المذاع على قناة ON، وتحدث عن أعماله في السينما قائلا: "الكيت كات بقاله 30 سنة ولسه الناس بتتكلم عليه ويتفرجوا عليه ده بالنسبة ليا نيشان على صدرى". وأضاف شريف منير: "أنا بحب الفنان محمود عبد العزيز من زمان، وهو ممثل تقيل وقدام شخصيات مختلفة ما بين الكوميدى والتراجيدى، وكمان ابنه كريم بشوفه صورة لوالده بس متطورة وبشكل تستقبليه ويتحب من القلب، وكمان محمد ابنه ممثل كويس جدا بس هو مقصر في حق نفسه". وتابع شريف منير: "جالى زمان فيلم المولد للفنان عادل إمام وكنت لسه في بداياتى ورفضته، وقلت عاوز أشتغل مع الزعيم في مساحة كبيرة، وعدت سنين وعملت عريس من جهة امنية وانبسطت جدا وهو ده نتيجة الصبر". واستطرد شريف منير: "انا نفسى نبقى نهتم بالسينما والمسرح أوى في مصر عشان دى بتجيب دخل حلو أوى للبلد؛ لأنها صناعة قوية ولازم نكون منتبهين إلى أن النوع ده من الفن عائده حلو أوى على الدولة، والفيلم هو ذاكرة الفن، والسينما باقية عشان كده بقلل من الدراما وعينى دايما على السينما". واختتم: "مفردات الكلام الموجود في الزمن الحالي أنا غير راضى عنها، وتعبيرات لا تصلح أن أنقلها، وليس كل ماهو موجود في الواقع ينفع أنقله على الشاشة، لازم أقول الكويس اللى موجود عشان يبقى فيه أخلاق". شريف منير: رفضت فيلم "المولد" مع عادل امام في بداياتى و"الكيت كات" نيشان على صدرى شريف منير: رفضت فيلم "المولد" مع عادل امام في بداياتى و"الكيت كات" نيشان على صدرى شريف منير: رفضت فيلم "المولد" مع عادل امام في بداياتى و"الكيت كات" نيشان على صدرى شريف منير: رفضت فيلم "المولد" مع عادل امام في بداياتى و"الكيت كات" نيشان على صدرى شريف منير: رفضت فيلم "المولد" مع عادل امام في بداياتى و"الكيت كات" نيشان على صدرى