محمد لطفى: ابنى بيحب التمثيل.. ووعد: بنتى صوتها وحش بس بتكتب شعر إنجليزى

حل الفنان محمد لطفى ومحمود الليثى ووعد السعودية، في الجزء الثانى من برنامج "سهرانين" تقديم النجم والإعلامى أمير كرارة، والمذاع على قناة ON، وتحدثت وعد السعودية عن علاقته بابنتها قائلة: "ابنتى أقرب واحدة ليا وصديقتى وبدأت أحس ان هي اللى أمى مش أنا، وهى صوتها وحش بس بتحب تكتب شعر انجليزى". وقال الفنان محمد لطفى: "ولادى مديهم الحرية الكاملة انهم يعملوا الحاجات اللى تعجبهم وأنا اساعدهم فيها، وابنى عمر عنده 15 سنة وبيحب التمثيل وفى مرة جالى اوردر تصوير ولقيته بيقولى مفيش معاك مشهد يا نجم". وتحدثت وعد عن أكثر المواقف المحرجة بالنسبة لها في الأفراح، قائلة: "حصلى موقف في فرح وقعت وأنا طالعة على المسرح، وأم العروسة قالتلى سلامتك ومخضوضة طبعا مش عليا عشان أكمل الفرح بس". وروى محمود الليثى عن أغرب المواقف التى تعرض لها فى الأفراح، قائلا: "كنت عامل أغنية أنا ومى كساب حلو ومدلع من يومك للفنان عبد العزيز محمود بس بتوزيع جديد، وأنا بغنى كوبليه شيليه بقى فى عينك يا عروسة وبوجه لها الكلام فتهز رأسها وتقول حاضر، الجزء التانى بقول للعريس الخد اللى ناحيتك أديها بوسة، راحت أم العروسة شدت بنتها وتقول يعمل إيه راح العريس ضاربه بـ "البونية" ووقعت على الأرض، عشان خاطر أن مينفعش يبوسها دلوقتى هنا". وتابع الليثى: "موقف غريب كمان حصلى في بداياتى مكنتش معروف لسة روحنا فرح فى شبين الكوم في المنوفية، وكنا بنغنى على عربيات كده بيربطوها مع بعض، وفى عيل صغير بيلعب وكل شوية أقوله بس يابنى لغاية ما فعلا العربية اتحركت بينا وبالعريس والعروسة وكنا هنقع في النيل". وعن علاقته بسعد الصغير قال محمود الليثى: "سعد الصغير هو اللى جابنى فيلم الكباريه، وودانى لأحمد السبكى ولما قالى امضى قلتله لا قالى ليه يابنى فقلتله عاوز فلوس وراح مدينى الفين جنيه من جيبه ومضيت، لا بجد سعد الصغير أخويا مش صاحبى وأجدع وأحن خلق الله".محمد لطفى, محمود الليثى, امير كرارة, المطربة وعد السعودية, سهرانين, برنامج سهرانين




















الاكثر مشاهده

علماء العالم الإسلامي يُرشحون مركز الحماية الفكرية لإعداد موسوعة عن "المؤتلف الفكري الإسلامي"

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

;